Shaǵyn jáne orta bıznesti jaqsy jolǵa qoıa bilgen, Asyqata kentinde ornalasqan, «Aq ulpa» medısınalyq maqta shyǵarý kásipornyna at basyn burdyq. «Atam ekeni JSHS dırektory Muhtar Baltabaıuly Tóregeldıev óndiris ornynyń jumys barysymen tanystyrdy. Sondaı-aq mekeme basshysy ónd iris jumysyna qolbaılaý bolyp otyrǵan máselelerdi de tilge tıek etti.
- Bizdiń mekeme 2004 jyly qurylǵan. Keıinnen otandyq óndiriske bet burý maqsatynda 2011 jyly medısınalyq maqta shyǵarý isin qolǵa aldyq. Buǵan kóp qarajat qajet bolǵandyqtan, 2012 jyly qosymsha jańa qural-jabdyqtar satyp alýǵa «Maksımým» AIO-nan 7 paıyzben 17 mıllıon 600 myń teńge nesıe alǵanbyz. Jylyna 100-120 tonna jobalyq qýattylyqty qamtıtyn ónim óndirýge qaýqarly bolǵanymyzben, sońǵy jyldary elimizdegi ekonomıkalyq daǵdarysqa baılanysty 60-70 tonna ónim óndirýdemiz. 15 adamdy jumyspen qamtyp otyrmyz. Olardyń aılyq japaqysy ortasha eseppen 60-70 myń teńgeni quraıdy. Memlekettiń qoldaý bildirýi arqasynda quny 9 mıllıon teńge turatyn artezıan skvajınasy iske qosylǵaly sýdan tarshylyq kórip otyrǵanymyzjoq. Óz ónimderimizdi respýblıka kólemindegi barlyq oblystarǵa shyǵaramyz. Bolashaqta Eýrazıalyq aımaqqa, Reseı, Belorýsıaǵa ónimderimizdi eksportqa shyǵarý josparymyzda bar. Osyǵan baılanysty 2014 jyldan bastap aýdanymyzdaǵy ındýstrıaldy aımaqtan maqta óńdeý zaýytyn iske qosýǵa áreket jasap jatyrmyz. Alaıda bul jobany juzege asyrý úshin qajetti qarjyny bankterden ala almaı kelemiz. Zaýytty tolyqtaı iske qosý úshin 100 mıllıon teńgeden astam qarajat kerek. Al mundaı ulken qarjyny bankter bere almaıtynyn aıtýda. Bizdiń aýdanymyzda maqtamyz shet memleketterge shıkizat kúıinde satylyp jatyr. Onyń paıdasyn ózgeler kórip jatqanyn oılaǵanda ózegiń órtenedi. Sondyqtan ózimizde bar ónimdi tereńirek óńdesek, jip ıirsek, mata shyǵarsaq, óz halqymyzdy kıindirýge, medısınalyq maqtamen qamtamasyz etýge shamamyz jetedi. Osylaısha elimizdiń ekonomıkasy da kóteriler edi. Atalmysh kásiporynda qansha ónim túri óndiriledi degen suraǵymyzǵa «medısınalyq maqtadan bólek, munda jergilikti turǵyndardyń suranysyna oraı, kórpe, jastyq daıyndaýmen aınalysatyn tigin sehy jumys isteıdi. Oǵan qosa Qytaıdan maqta ónimderiniń basqa da turlerin óńdeýge baılanysty tájirıbe almasý maqsatynda bilikti mamandar shaqyryp otyrmyz. Sondaı-aq dáke toqýdy qolǵa alsaq degen nıetimiz bar», - dedi M.Baltabaıuly.
Bıbiajar TÁŃİRBERGENOVA, «Maqtaaral» gazeti
