«Qazaqfılm» AQ «Batys Qytaı fılm» korporasıasymen  birlesip túsiredi delingen fılmge baılanysty túsinikteme berdi.  Eske salsaq, «Qazaqfılm» AQ men «Batys Qytaı fılm» korporasıasy birlesip, «Mahabbat ótkelderi» atty Qytaıǵa tıgen qazaqstandyq qyz týraly romantıkalyq komedıa túsirmekshi bolǵanyn habarlaǵan bolatynbyz.

Bul áleýmettik jelide qyzý talqylanyp, qoǵamnyń narazylyǵyna ushyraǵan edi. Osyǵan baılanysty, «Qazaqfılm» AQ  baspasóz qyzmeti  «Qazaqfılm» AQ qytaılyq kınematografıstermen memorandýmǵa qol qoıylǵanyn, biraq ázirge naqty jobalardyń talqylanbaǵanyn habarlady. «Qazirgi ýaqytta Qazaqfılmniń Qytaımen birlesken bir ǵana jobasy bar - ol bir kezderi KSRO-da ómir súrip, qyzmet atqarǵan talantty qytaılyq kompozıtor Sı Sınhaı týraly «Kompozıtor» fılmi (Onyń esimi Almaty men Astana kóshelerine berilgen)», - delingen baspasóz qyzmetiniń habarlamasynda.