Ál-Farabı atyndaǵy QazUÝ-da 29 qarasha kúni Qazaqstan Respýblıkasy Táýelsizdiginiń 25-jyldyǵy jáne QRTuńǵysh Prezıdent kúnine arnalǵan «Men jastarǵa senemin!» atty stýdent jastardyń respýblıkalyq tórtinshi patrıottyq forýmy ótedi. Baıqaýǵa qatysýǵa elimizdiń 70 joǵary oqý ornynan 1500 –den astam stýdent ótinish bildirgen.

Stýdenttik jastar forýmynyń maqsaty joǵary patrıottyq túsinigin, óz eli úshin maqtanysh sezimin arttyrý jáne Qazaqstan bolashaǵyna degen azamattyq jáne áleýmettik joǵary jaýapkershilikti kóterýge baǵyttalǵan.

Bıylǵy jyly «Men jastarǵa senemin!» tórtinshi respýblıkalyq patrıottyq stýdenttik gala-forýmynyń aqtyq baıqaýyna Qazaqstannyń 14 oblysynyń 63 oqý ornynan 400 úmitkerdiń jumysy tańdaldy. Eń daryndy stýdentter  «Men jastarǵa senemin!» respýblıkalyq patrıottyq forýmynda eń úzdik jumys avtory retinde baq synasady.   

Forým aıasynda bir aı kóleminde «Elimizdiń ınovasıalyq damýyna meniń qosqan naqty úlesim» atty stýdenttik áleýmettik mańyzy bar  ınovasıalyq joba, «Men memleketimniń gúldenýi úshin ne isteı alamyn?» atty stýdenttik esse, «Men jastarǵa senemin!» taqyrybynda stýdenttik poezıalyq azamattyq-patrıottyq shyǵarma, «Máńgilik el muratym!» patrıottyq án baıqaýlary boıynsha stýdenttik jumystar qabyldandy. Forýmnyń bas júldesi – ál-Farabı atyndaǵy QazUÝ-da bir jyldyq tegin bilim alý granty.

Jobany ál-Farabı atyndaǵy Qazaq ulttyq ýnıversıteti, «Jandaný álemi» qory, «Jas Otan» jastar qanaty, QR Jazýshylar Odaǵy jáne Almaty qalasy ákimdigi uıymdastyrýda.

«Men jastarǵa senemin» gala forýmy 29 qarasha kúni saǵat 16:00-de Almaty q. Ó.Joldasbekov atyndaǵy stýdentter saraıynda ótedi.

Tolyǵyraq forým týraly http://www.kaznu.kz saıtynda tanysýǵa bolady.