Shardaranyń turǵyny retinde óńirdegi sharýashylyqtyń damýy týraly pikir aıtaıyn dep edim. Kúrish pen maqta óndirisi ejelden kele jatyr ǵoı. Alaıda sońǵy jyldary  shardaralyqtar kóp jyldyq ekpelerge kóńil bóle bastady. Tipti budan paıdasyn da taýyp jatyr. Máselen, sońǵy bir jyldyń kóleminde Turysbekov aýyldyq okrýginde 220 gektarǵa, Jaýshyqum aýylynda 55 gektarǵa, Qosseıit aýylynda 13 gektarǵa júzim kóshetteri otyrǵyzylǵan. Júzimniń «taıfı rozovyı» sortyn ekken sharýalar ónimdi úsh jyldan soń alatynyn aıtýda. 

Al aýdanda 209 gektar jerge egilgen júzim alqabynan ónim jınalýda. Búgingi kúnge gektaryna 35 sentner ónim alǵan dıqandar 731,5 tonna júzim jınaǵan. Sonymen qatar, aýdan túrǵyny A.Ibadýllaev 10 gektar alqapqa almanyń «Pavpınka» dep atalatyn sortyn ósirýdi qolǵa alǵan. Al búginge deıin aýdanda 70 gektar jerge egilgen alma baýdan gektaryna 25 sn. ónim túsip, jalpy 175 tonna alma terilgen. Shardaralyq sharýalar 2010 jyldan beri jalpy kólemi 1097 gektar jerge egilgen baý-baqshadan mol ónim jınap keledi. Budan túser paıdanyń mol ekenine kózi jetken dıqandar baý-baqshany damytýdy josparlap otyr. Qazirgi tańda jınalǵan ónimder aýdannyń ishki naryǵyna shyǵarylýda.

Erjan Asqaruly