Shymkenttiń irgesindegi Saıram aýdanynyń ekonomıkalyq áleýeti joǵary. Munda halyqtyń deni shaǵyn jáne orta bıznespen aınalysady. Aýdanda áleýmettik máseleler men ınfraqurylym tartý jumystary laıyqty deńgeıde júrgizilýde.

          Saıram aýdany negizinen - agrarly aýdan. Ejelden aýyl sharýashylyǵy ónimderin óńdeýmen aınalysady. Keńes odaǵy ydyraǵanda da tól kásipterinen ajyramady. Egin egip, ony qaıta óndedi. Sút óńdeý jylyna 160 myń tonnaǵa jetti. Mal ósirip, bordaqylady. Et eksportynyń jyldyq kólemi - 21 myń tonna. Ózderi tutynatyn qajettisinen bólek, ózge aımaqtarǵa aparyp satady. Endigi meje - osy etti buqtyryp, óńdep konservi ónimderin shyǵarý.

          Saıramda aýyz sý máselesi aıtarlyqtaı sheshilgen. Jyl sońyna deıin aýdan  halqynyń 80 paıyzy gazben qamtylady. Jalpy, komýnaldyq máseleler 2020 jyly túbegeıli sheshimin tabýy kerek,-deıdi aýdan ákimi Samat Saparbaev. Aýdan ákimi sonymen birge etti óndirý máselesi kenjelep qalǵanyn jasyrmady.

Saıramda 3 aýysymdaǵy mektep máselesi de jýyq arada joıylady. Balabaqsha jasyndaǵy búldirshinder memleket pen jekemenshik áriptestik nátıjesinde mektepke deıingi tárbıe berý mekemelerimen qamtylǵan.  Aýdan ákimdiginiń endigi jospary – aýyl sharýashylyǵy ónimderin qaıta óńdeý salasyn budan da joǵary deńgeıge shyǵarý. Bul maqsatta da úlken mindetter qoıylǵan. Atqarylar sharýalar da shash etekten. 

http://shymkenttv.kz/