Shardara aýdanynda memleket tarapynan jasalǵan jaǵdaılar men berilgen múmkindikterdi paıdasyna durys paıdalana bilgen sharýalar bir ǵana «Sybaǵa» memlekettik baǵdarlamasy boıynsha 1275 bas iri qara satyp alǵan. Jospar boıynsha shaǵalaly aımaqta myń eki júz bas satyp alyný kerek bolatyn. Nátıjesinde tapsyrma 106,3 paıyzǵa artyǵymen oryndalǵan.
Shardara aýdanynda atqarylǵan jumystar týraly aımaqtyń resmı saıtynda jarıalanǵan málimetterge súıensek, «Ońtústik Qazaqstan oblysy boıynsha mal sharýashylyǵyn damytý is-sharalarynyń 2014-2016 jyldarǵa arnalǵan josparynyń» baǵyttary boıynsha aýdan ákimi tarapynan qala, aýyl okrýgterinde mal bordaqylaý alańdaryn, shaǵyn sút fermalaryn ashý jáne sút qabyldaý beketterin qurý týraly is-sharalar jospary bekitilgen. Jyldyq jospar boıynsha 145 mal bordaqylaý alańyn iske qosý kózdelgen bolsa, alty aıda sonyń jartysynan atamy júzege asqan. Naqtylap aıtqanda búginde 85-i jumys istep tur.
«Qulan» baǵdarlamasy boıynsha úsh júz bas jylqy alý jospary bekitilip, tapsyrma 258 basqa oryndaldy. Al «Sybaǵa» bardarlamasy boıynsha asyl tuqymdy etti baǵyttaǵy buqa alý tapsyrmasy 60 bas bolsa, onyń 44 basy satyp alynǵan. «Altyn asyq» baǵdarlamasy boıynsha bıyldyqqa 2100 bas ýaq mal satyp alý kózdelgen bolsa, jarty jyldyń ózinde 2670 basqa jetkizilip, tapsyrma artyǵymen oryndalǵan.
Sonymen qatar 5-10 bas iri qaradan turatyn 18 shaǵyn januıalyq ferma qurý tapsyrylǵan bolsa, sonyń búginde 18-i oryndalǵan.
Mal sharýashylyǵyn damytý boıynsha alty aıda túıe 2190 basqa, jylqy 6227 basqa, iri qara mal 30288 basqa, qoı 196089 basqa, eshki 9025 basqa jetkizilip, 2877,7 tonna et, 9457,1 tonna sút óndirildi.
