Búgin Amerıkanyń ndtv.com saıtynda "Los-Andjelestegi meshitterdiń birine qoqan-loqy hat joldaǵan adamdardy izdestirýde" degen ataýmen materıal jarıa kórdi. Mundaı áleýmettik mańyzy bar aqparatty Qamshy portaly aǵylshyn tilinen aýdaryp, oqyrman nazaryna usynýdy jón sanady.

   Hatta musylmandardy «İbilistiń balalary» dep kórsetip, olardy «jaýyz jáne ońbaǵan» dep teńegen. Oǵan qosa, jańadan saılanǵan Donald Trampqa maqtaý aıtyp, musylmandarǵa Gıtlerdiń ıahýdılerge istegenin qaıtalaıtyn bolamyz degen ýádesin hatta jazyp qaldyrypty. Olar Kalıfornıanyń úsh birdeı meshitine jáne Djorjıa shtatyna da jiberilgen.

    «Esep beretin kezderiń keldi» dep jazylǵan deıdi  Amerıka-ıslam qatynasy keńesiniń AQSH-taǵy nasıhattaý qyzmetiniń uıymy. «Qalaǵa jańa basshy keldi. Prezıdent Donald Tramp Amerıkany tazartyp, ony qaıta jandandyratyn bolady. Sosyn, musylmandar, sendermen aınalysady» dep jazylǵan hattyń sońyn «Amerıkalyqtar jaqsy jol úshin» dep aıaqtaǵan.

   Los-Andjelestiń polısıa bastyǵynyń orynbasary Maıkl Daýnıng Kalıfornıadaǵy meshitke jiberilgen eki hat ta 19 qarashaǵa belgilengen mór ekenin aıtady.

Fedaraldyq tergeý búrosynyń buǵan deıingi saraptamasy boıynsha AQSH-taǵy musylmandarǵa degen óshpendilik qylmystar sany osy jyly 67%-ǵa artqan. Bul – 2001 jylǵy 11 qyrkúıektegi oqıǵadan keıingi eń joǵarǵy kórsetkish.

Aýdarǵan: Maral Shaıhy