Qosseıit aýylynda sońǵy ýaqytta júzim ósirip, úıinen jylyjaı salýshylar qatary molaıyp tur. Byltyrdan bastap barlyǵy 13 gektar alqapqa júzim kóshetin otyrǵyzyp jatqan Qabylan Jumabektiń sharýashylyǵy damyp keledi.  Japyraǵyn jaıqaltyp úlgergen baýdyń ósimi jaqsy kórinedi. Qabylan Raıymbekuly aldaǵy ýaqytta júzimdik alqapqa tamshylatyp sýarý ádisin engizýge áreket jasap otyr. Sonymen birge irilendirý jumysymen de aınalysyp jatyr eken. Búgingi kúnniń talaby – kooperatıvke  birige otyryp, memleket tarapynan beriletin kóptegen jeńildikterdi paıdalaný ekenin jete uǵynǵan Qabylan myrza bul jumysta kezdesetin qıyndyqtardy da aıtyp ótti.   

        Úıirgelik jylyjaı kólemin odan ári ulǵaıtyp jatqan Nádir Qosanovtyń tirligine rıza boldyq. Alǵashynda 10 sotyq jerge jylyjaı jasap, kók-sók ekken Qosanovtardyń otbasy ónimdi ózinen shyǵarsa kól-kósir paıda bolatynyna kózderi jetken. Sondyqtan da bıyl taǵy da aýlasyndaǵy jylyjaı kólemin keńeıtipti. Aldaǵy ýaqytta atamuraǵa alǵan jerinen 50 sotyq jerge jylyjaı jasap, aýyldy kókónispen qamtamasyz etýge táýekel jasap otyrǵan Nádir Qosanovtyń eńbekqorlyǵy basqalarǵa úlgi bolatyn tirlik ekenin aýdan basshysy atap kórsetti.   Aýylymyzda oysndaı aýyl sharýashylyǵyn damytyp otyrǵan azamattardyń baryn maqtan tutamyz.

Bekjan ISABEKOV,

Shardara aýdanynyń turǵyny