Almaty oblysy Jambyl aýdanynda aıýandyqpen óltirilgen úsh aǵaıyndy jigittiń ólimine qatysty búgin sot úkimi shyqty, - dep habarlaıdy Qamshy.kz.

Mal satýmen aınalysatyn aǵaıyndy úsh azamat Jarqynbek Doldanuly, Muqıat Zarlyhanuly men Qadylbek Álimhanulyn óltirdi degen negizgi aıyptalýshy Talǵat Súleımanovqa sot ómir boıy bas bostandyǵynan aıyrý jazasyn kesti. Ol jazasyn erekshe túzimdegi kolonıada óteıtin bolady. Al, T. Súleımanovtyń sybaılasy Murat Ońalbaev 25 jylǵa bas bostandyǵynan aıyrylyp, qatań túzimdegi kolonıaǵa jiberiletin boldy.

Qandy qylmysty kórip, quqyqqorǵaý organdaryna habarlamady dep aıyptalǵan malshy Baqyt Baıqasymovqa sot tórt jyl bas bostandyǵynan aıyrý jazasyn kesti.

Budan bólek, sot sheshimimen T. Súleımanov pen M. Ońalbaev árqaısysy qaıtys bolǵan ár azamattyń otbasyna 10 mıllıon teńgeden moraldyq shyǵyndy óteýge mindetteldi.

Sot úkimine jábirlenýshi tarap pen sottalǵandardyń týystary da kelispeýshilik bildirýde. Sot zalynan shyqqan sottalǵandardyń týystary jýrnalıserge qandaı da bir pikir bildirýden bas tartsa, marqumdardyń jaqyndary qylmysker ólim jazasyna kesilýi kerek dep sanaıdy.

Almaty oblysy Jambyl aýdanynda qyrkúıek aıynda bolǵan qandy qylmysqa qatysty materıaldarmen myna silteme boıynsha tanysa alasyzdar. 

Erlan Tóleýbaı