Reseı Ýkraınaǵa qatysty basqynshylyq áreketin toqtatpasa, Pentagon Reseımen eshqandaı áskerı baılanys ornatpaıdy, dep habarlaıdy BBC. AQSH-tyń qorǵanys mınıstrliginiń 2017 jylǵy qarjylyq qorynan, Reseımen áriptestik qarym-qatynas ornatýǵa aqsha jumsaýǵa tyıym salyndy. Reseı AQSH-tyń birneshe shartyn oryndasa ǵana, ol óz kúshin joıýýy múmkin.

Birinshiden, Reseı Ýkraına jerin jaýlaýyn, Ýkraınanyń jáne Soltústik Atlantıkalyq Kelisim uıymy músheleriniń birtutastyǵyna, táýelsizdigine qaýip tóndiretin áreketterin toqtatý qajet.

Ekinshiden,  Mınstik kelisim boıynsha Ýkraınanyń shyǵysynda soǵys áreketterin toqtatý kerek.

Pentagonnyń Reseımen qarym-qatynasy týraly qujatta, «Qyrymdy Reseıdiń táýelsiz aımaǵy» dep moıyndaıtyn kez-kelgen iske qarjyny paıdalanýǵa tyıym salynǵan dep kórsetilgen.  Sonymen qatar, Reseımen túrli tehnologıalyq salada áriptestikke jol joq.  

2027 jylǵa deıin Reseımen raketaǵa qarsy qorǵanysta da aqparat almasýǵa, Reseı jáne Qytaımen raketaǵa qarsy qorǵanystyń birikken júıesin jasaýǵa bolmaıdy.

2016 jylǵy prezıdenttik saılaýda jeńiske jetken Donald Tramp Pentagonnyń basshysy etip - Djeıms Mettısti taǵaıyndady. Ol  Reseıdiń, Qyrymda jáne Ýkraınanyń shyǵysynda soǵys jaǵdaıyn ornatqanyn qatty synǵan alǵan.