Biz barlyǵymyz-pendemiz. Qatelik jasaýǵa quqyly. Alda -jalda, jasap qoıǵan qate isterimizge aıtar ýájimiz daıyn:"pendemiz ǵoı". Qolymyzdan birnárse kelmese de, aqtap alamyz ózimizdi:"pálenshe de, júr ǵoı, men odan góri ...táýbá, táýbá". "Táýbagershilik" durys,árıne, biraq, ol bizdi bir ornymyzda tapjylmaı ustap turatyn bir kúsh. Meniń baıqaǵanym, biz ózimizden joǵarǵyǵa eliktemeımiz, olarǵa tek qyzyǵamyz da, qyzǵanamyz, boldy. Sodan kep, "Qudaıǵa zar ıleımiz". Durys emes jerde týyppyz-mys, durys emes otbasynda týyppyz-mys. Ózimizdi jetistikke jetkizbeı jelkelegen jalqaýlyqpen kúresý oıymyzda joq. Qarap tursaq, baqytymyzǵa da, baqytsyzdyǵymyzǵa da ózimiz sebepshimiz. Aǵylshyn ǵalymdary dáleldeýi boıynsha: aınalamyzdaǵy zattardyń barlyǵy atom men ıadrodan turady. Al, ol atomnyń 99% energıamen qamtylǵan. Biz de, týra solaı mıllıondaǵan energıamen zarádtalǵan atomdardan turamyz. Oǵan kóńil aýdarǵanǵa deıin olar beıtarap, tynysh, kereksiz, iske asýyn kútý kúıinde qalady. Al, eger olardy bir iske jumsar bolsańyz, sáttilik, baqyt, baılyqty ózińiz jasaısyz. Árıne, bul jaıly kóp aıtylyp júr. Biz jaqsy oılar arqyly bolashaqqa sıgnal jiberip, sol pozıtıvti oılar bolashaqta iske asady...t.s.s. Sonda tek oılasaq qana boldy baqyttyń kiltin taptym eken degen sóz emes. Adam sol oıynyń jeteginde áreket etýi kerek. Eger sizge kúnine 86400 mln tenge teginnen-tegin beretin bank bolsa, ne ister edińiz. Qýanyshtan basyńyz aınalyp, eń birinshi ózińizge eń qajetti zattardy alar edińiz, súıikti isińizge jumsaısyz sosyn otbasyńyzdy, sosyn jaqyn dostaryńyzdy qamtamasyz ete bastaısyz. Jáne siz barlyǵyn qýanyshpen mahabbatpen oryndaısyz. Sizge ol aqshany qaıtarýdyń qajeti joq, ómir ne degen qyzyq, tamasha, barlyǵy sizdi jaqsy kóredi, siz olardy. Bilesiz be, ondaı bank bar. Ia, ıa, biz kúnige teginnen-tegin 86400 sekýnd alyp jatyrmyz. Ony kóbine jelge ushyramyz. Aqsha ǵurly qadiri joq ýaqytty tekke ótkizip, baqytsyz kún keshemiz. Otbasyǵa kóńil bólmeımiz, jaqyndarǵa barmaımyz, ol úshin: jaǵdaı kerek, jaǵdaı bolý úshin jumys kerek, al, qarapaıym jumys bizge kerek emes. Satylaı kóterilý, mańdaı termen terlep jetý múmkin emes, tanys kerek... taǵy da syltaýlar.
Ózi adal, ózgeniń barlyǵy qıanatshyl. Anasynan jem tilegen balapandaı, úkimetke qol jaıyp otyra beremiz. Ómir súrip, tirshilik etýimiz, ózimizge emes, ózgege mindetti. Mine, osyndaı urpaq ósip kele jatyr. Árıne, joq emes, bar, talantty jastar, biraq, olardy osylardyń qataryna óz qolymen qosatyn qaıran qoǵam... Ýaıymy jeke basynan aspaǵandy ulttyń máselesi qaıdan qyzyqtyrsyn...
Balnur Omar
