Áleýmettik jelide Ánuran oryndalýy barysyndaǵy oǵash jaǵdaı qyzý talqylandy. Atalǵan jaǵdaı Ońtústik Qazaqstanda Tuńǵysh Prezıdent kúniniń qurmetine ótkizilgen saltanatty jıynda oryn alǵan. Osy jıynda «KTK» arnasynyń Ońtústik Qazaqstandaǵy tilshisi Marına Nızovkına men «Iýjnyı Kazahstan» gazetiniń qyzmetkeri Irına Abramovanyń áreketi áleýmettik jelidegi qaýymnyń ashýyn týǵyzdy.

"Ánuranymyzdy mensinbeı, melshıip turǵandary «asyńdy iship, aıaǵyńdy tebeıin» degenge keletindeı. Nege olaı istedi? Menińshe, shovınısik pıǵylmen ádeıi istep tur. Bilmeı qaldy deıtindeı de emes. Ekeýi de bildeı BAQ-nyń ókilderi. Mundaı jıynǵa da birinshi ret kelmegeni anyq. Erejege saı, jurtpen birge qoldaryn keýdesine qoısa, júrekteri toqtap qalar ma edi? Búıte berse, el arasynda ultarazdyqty týdyrmasyna kim kepil? Bular úshin basqa zań jazylǵan ba, álde?
Búgin – ekeýine, erteń taǵy birnesheýine osylaı istetip qoıyp, basyndyra bermeı, arnaıy oryndar qadaǵalasa eken", – dep jazady Nurbol Orymbaı. 

Eske sala keter bolsaq, qatysty zańda:

«9-bap. Qazaqstan Respýblıkasynyń Memlekettik Gımnin oryndaý tártibi

1. Memlekettik Gımn kópshilik aldynda oryndalǵan kezde qatysýshylar ony ornynan turyp aıtady (tyńdaıdy), bul rette Qazaqstan Respýblıkasynyń azamattary oń qolyn júrek tusyna qoıady», - dep jazylǵan.