Keshe saıtymyzda Qazaqstanǵa kire almaǵan Jańa Zelandıalyq saıahatshy jaıly reseılik BAQ-taǵy aqparatty bergen bolatynbyz. Olar shekara qyzmetkerlerin bilimsiz dep aıyptaǵan edi. Búgin sol máselege baılanysty birneshe aqparat jarıalandy. Solardyń biri Tengrinews.kz.  saıtynda jarıalanǵan shekara qyzmetkerleriniń túsinigi bolyp otyr.  

Almaty áýejaıynda bilimsizdiktiń kesirinen boldy degen saıahatshy qyzdyń daýly máselesine QR shekara qyzmetkerleri túsinik berdi. Olar bolǵan oqıǵany bos sóz degen.

Qazaqstan eline kire almaǵan Jańa Zelandıalyq týrıs jaıly jańalyq barlyq áleýmettik jelilerimen BAQ quraldaryn dúrliktirgen bolatyn. Saıahatshy Hloı Fıllıps-Harııs shekara kúzetshileri Jańa Zelandıanyń jeke memleket ekenin bilmeıdi jáne menen Avstralıanyń jeke kýáligin surady dep sendirgen-mys. Ol sheteldik BAQ ókilderine «Men jerge qona sala kóshi-qon qyzmetkerleri menen avstralıalyq jeke kýáligimdi surady. Onsyz meni elge kirgizbeıtinderin aıtty. Jańa Zelandıa Avstralıa eliniń bir bóligi dedi» degen bolatyn.

Biraq, QR shekara qyzmetkerleri bolǵan jaıttyń basqa nusqasyn keltirdi. Baspasóz qyzmetkerleriniń aıtýy boıynsha, qyzda vıza bolmaǵan. Hloı Fıllıps-Harrıs Qazaqstanǵa 2016 jyldyń 24 mamyr aıynda SZ-6011 reısimen Úrimji-Almaty baǵytynda kelgen.  

"Almaty áýejaıyndaǵy baqylaý kezinde ol Jańa Zelandıalyq pasportyn kórsetti, biraq onda Qazaqstannyń vızasy bolmady. Árıne, halyqaralyq jáne ulttyq zań talaptarynda Jańa Zelandıalyqtar úshin kirý vızasy bolmasa eshteńe etpeıdi degen ereje joq. Osyǵan baılanysty saıahatshy Hloı Fıllıps-Harrıs Qazaqstan eline kire almady. Al, Jańa Zelandıany bilmeý týraly eshteńe bolǵan joq", - dedi baspasóz qyzmetshileri.

Sondaı-aq, elge kire almaǵan jaǵdaıda ol adam áýe kompanıasy arqyly keri baǵytta jer aýdarylady. Sol sebepti, ony Almaty-Úrimji baǵytynda qaıtarý zańdy bolǵan eken.  

Sondaı-aq, áýe kompanıasy tıisti qujaty durys bolmaı, elge kire almaı qalǵan adamdardyń barlyq shyǵyndaryna ózderi jaýapty eken. Iaǵnı, túsiniksiz jaı bolǵan ýaqyttan bastap bar másele solardyń jaýapkershiliginde.  

Baspasóz qyzmetiniń aıtýynsha Almaty halyqaralyq áýejaıynyń konsýldyq beketiniń kezekshi qyzmetkerleri oǵan Qazaqstandyq vıza bergen. Atalǵan jyldyń 6 maýsymynda saıahatshy elden ketken.