WBA/IBO/IBF/WBC boıynsha orta salmaqtaǵy álem chempıony Gennadıı Golovkın (36-0, 33 KO) men Denıel Djeıkobs (32-1, 29 KO) kezdesýi jónindegi kelissózder aıaqsyz qaldy, dep habarlaıdy sports.kz.

BoxingScene WBA prezıdenti Jılberto Mendosqa silteme jasap habarlaýynsha, promoýterler berilgen merzimde kezdesý týraly kelisim jasamady. Resmı túrde taraptardyń birneshe saǵat ýaqyty bar, alaıda  Golovkın - Djeıkobs jekpe-jeginiń taǵdyry 19 jeltoqsanda Panama astanasyndaǵy WBA shtab-páterinde ótetin promoýterlik saýdada sheshiledi dep tolyq senimmen aıtýǵa bolady.

Buǵan jaıtqa pikir bildirgen Den Embroýz: «Golovkın orta salmaqtaǵy barlyq tıtýldy ıemdengisi keledi. Bul- onyń maqsaty. Ol munyń qanshalyqty qıyn ekenin túsingen shyǵar. Bul basqa sporttaǵydaı  aldyn-ala sheshilip qoıylatyn jarys emes, boksta basqa promoýterlermen kelisim júrgiziledi. Boksta keıbir jekpe-jekter keıinge qaldyrylýy múmkin nemese múldem bolmaı qalýy múmkin».

 Golovkın men Djeıkobs kezdesýi 18 naýryz kúni Medıson Skver Gardende (Nú-Iork) ótýi múmkin, orta salmaqtaǵy eń atyshýly aıqasty HBO telearnasy kórsetedi.

Eger saýdalasýda Djeıkobs promoýterleri jeńse, kezdesý ýaqytyn nemese ótetin ornyn ózgertýge, tipti múldem boldyrmaı tastaý quqyǵyna ıe bolady. Bar másele Golovkınniń kelisimshart boıynsha, HBO-nyń basty qarsylasy Showtime telearnasyna shyǵa almaıtyny bolyp tur.