Qatty boranǵa baılanysty 60 kólik tańǵy 8-ge deıin joldyń ashylýyn kútip turǵan. Onyń ishinde 36 jeńil kólik, 8 júk kóligi bar. Atalǵan kólikterde 81 adam bolǵan, onyń 5 bala dep habarlaıdy kazinfo.today. «Kazavtodor» AQ oblystyq fılıalynyń málimetinshe ótken túnde, saǵat 22.30 shamasynda Aqkól aýdanynyń mańynda kólik keptelisi paıda boldy. Tótenshe jaǵdaılar departamenti túsindirý jumystaryn júrgizdi. Qatty borannan jol kórinbeı qalǵandyqtan, joldy jabýǵa týra keldi. 23.00 barlyq kólik Aqkólge kelip, 62 adam (júrgizýshiler, jolaýshylar) jylytý pýnkterine ornalastyryldy. Atap aıtsaq - «Klondaık», «Sharm» qonaq úıine. Aýdan ákimdigi olardy ystyq tamaqpen qamtamasyz etti.  

Dál osyndaı jaǵdaı Atbasar aýdanynda da oryn aldy. Keshki saǵat 16.15 Atbasar-Kókshetaý joly jabylǵan. Sonyń saldarynan 10 jeńil kólik, 2 júk kóligi dittegen jerine jete almaı qalǵan. Onda 17 adam boldy. Júrgizýshiler men jolaýshylar jylytý oryndaryna barýdan bas tartqan. Tek bir jeńil kólik №11 Agrarlyq-tehnıkalyq kolejine ornalastyryldy. Býrabaıdyń jylytý pýnkterine 2 adam aýyr júk kóligimen barǵan. Al Shýchınskide 2 adam mektep ınternatyna ornalastyryldy.