Aqtóbede munaı urlyǵy isi boıynsha taǵy 7 adam qamaýǵa alyndy, - dep habarlaıdy Tengrinews.kz tilshisi Aqtóbe oblystyq sotynyń baspasóz qyzmetine silteme jasap.
"Aqtóbe qalalyq №2 sotyna arnaıy operasıa kezinde ustalǵan B.K.Batyrov, N.S.Qazkenov, S.B.Dýsýpov, E.Ý.Erketaev , A.A.Amıtov, J.M.İlıasov, A.M.Qalıev, A.J.Sársenov jáne Erkin İzbasarǵa (1-shi toptaǵy múgedek) qatysty bultartpaý sharasy retinde qamaýǵa alý týraly ótinish kelip tústi", - delingen habarlamada.
Bul tulǵalarǵa QR Qylmystyq kodeksiniń 197-babynyń 4-bóligi 1,2-tarmaqtary ("Munaıdyń jáne munaı ónimderiniń shyǵarylý zańdylyǵyn rastaıtyn qujattarsyz olardy tasymaldaý, ıemdený, ótkizý, saqtaý, sondaı-aq munaıdy qaıta óńdeý") jáne 262-babynyń 2-bóligi ("Uıymdasqan top, qylmystyq uıym qurý jáne olarǵa basshylyq etý, sol sıaqty olarǵa qatysý") boıynsha kúdik kelip otyr.
Qamaýǵa alynǵandardyń ishinde "Aǵaıyndy tórteý" qylmystyq tobynyń jetekshisi Erkin İzbasar da bar.
"Sottyń qaýlysymen B.K.Batyrovqa, N.S.Qazkenovqa, S.B.Dýsýpovqa, E.Ý.Erketaevqa, A.A.Amıtovqa, J.M.İlıasovqa, A.M.Qalıevqa jáne E.J.İzbasarǵa qatysty eki aıǵa qamaýǵa alý týraly ótinishi qanaǵattandyryldy", - dep habarlady sottaǵylar.
Eske sala keteıik, Erkin İzbasar Aqtóbedegi munaı bazasynyń terıtorıasynda iri arnaıy operasıa júrgen kúni Almatyda ustalǵan bolatyn. Uıymdasqan qylmystyq toptyń lıderimen birge onyń oqqaǵary men júrgizýshisi ustalǵan edi. Al keıinirek munaı urlaýmen aınalysqan qylmystyq toptyń jetekshisi Aqtóbege UQK ushaǵymenjetkizilgen bolatyn. Erkin İzbasarovpen birge onyń kólik júrgizýshisi men oqqaǵary da qazir Aqtóbede. Endi olardy munaı urlyǵyna qatysty osynda tergeıtin bolady. İzbasarovtiń aımaqtaǵy jat aǵymnyń jeteginde ketken jigitterdi óz paıdasyna jumsap otyrǵany belgili bolyp otyr.
