Marıa Esengeldına 25 qazanda Sulpak dúkeniniń qostanaılyq fılıalynda satyp alǵan  iPhone jarylyp ketken dep habarlaıdy tengrinews.kz. 

"Eń bastysy meniń sábıim zardap shegýi múmkin edi. Ol qasymda bolǵanda ne ister edim, tipti bilmeımin. Men bireýge qońyraý shalyp jatqanymda jarylǵanda ne bolar edi? Men onda qulaqsyz ne kózsiz qalar edim!", - deıdi Qostanaı turǵyny.

Esengeldına telefonnyń jarylǵan sátin vıdeoǵa túsirip almaǵanyna ókinedi. Telefon nesıege alynǵan jáne quny 250 myń teńge eken. Osydan keıin ol aqshany qaıtaryp alý úshin zańgerlerdiń kómegine júginip, dúkenge barǵan, alaıda dúken ákimshiligi kepil merzimi bir jyl ekenin aıtyp, eshqandaı da aqsha qaıtarylmaıtynyn aıtqan. Soǵan ashýly Marıa "Qajetti qujattardyń barlyǵyn kórsettim, bul máselemen zańgerler aınalyssyn. Bir jyl jáne bir aı ǵana jumys isteıtin telefon bolǵany ma sonda?" deıdi.

Esengeldınanyń zańgeri Dmıtrıı Gorbýnovtyń aıtýynsha, kepil merzimi ótip ketse de aqshany qaıtarýǵa bolady, tek telefonnyń ózdiginen jarylyp ketkenin dáleldeý qajet. Qazirgi ýaqytta sot-medısınalyq saraptamasy júrip jatyr.

Sonymen qatar, "Arena S" JSHS PR jáne jarnama departamentiniń dırektory Aleksandr Jýrlov Tengrinews.kz tilshisine telefondy ol azamatqa aýystyryp beretinin aıtty. Aqshalaı berilmeıdi, mundaı jaǵdaı birinshi ret bolyp otyr, sondyqtan da bizdiń klıentimiz bolǵanyn eskere otyryp, onyń telefonyn aýystyryp beremiz. Aqshalaı qaıtaramyz ba, ornyna telefon beremiz be - óz erkimizde", - dedi Jýrlov.