Argentına ulttyq quramasy men «Barselona» fýtbol klýbynyń shabýylshysy Lıonel Messıdiń nómiri jazylǵan aq-kógildir tústi fýtbol jeıdesin paketten jasap alyp, álem nazaryn ózine aýdarǵan aýǵanstandyq búldirshin Murtaza Ahmadı áıgili fýtbolshymen kezdesti.
Qańtar aıynda taraǵan osy sýrettegi balanyń kók paketten fýtbolka jasap, artyna «MESSI 10» degen jazý jazyp alǵan sýreti búkil álemge tarap ketken bolatyn.
Odan keıin Messıdiń ózi kishkentaı jankúıerin izdep jatqany málim bolǵan. Kóp ótpeı Aýǵanstan fýtbol federasıasynyń qyzmetkerleri Lıonel Messıdiń ókilderimen baılanysqa shyǵyp, qoly qoıylǵan jeıdesin jetkizgen edi.
