QR IDM Jer qoınaýyn paıdalaný departamentiniń ókilderi «Jer qoınaýy jáne jer qoınaýyn paıdalaný týraly» QR Kodeks jobasynyń negizgi aspektilerin túsindirdi. Bul týraly "Qamshy" portaly QR Investısıalar jáne damý mınıstrliginiń Baspasóz qyzmetine silteme jasap habarlaıdy.
Memleket basshysynyń «100 naqty qadam» ulttyq jospary men Qazaqstan halqyna Joldaýynda júktegen tapsyrmalaryn oryndaý maqsatynda «Jer qoınaýy jáne jer qoınaýyn paıdalaný týraly» QR Kodeks jobasy ázirlendi.
Qujatty ázirleýshiler jer qoınaýy týraly Kodeksti qabyldaýdyń negizgi sebebin túsindirdi. Búgingi tańda zerttelgen ken oryndary zerdelenýde jáne jańa ken oryndaryn ashý úshin geologıalyq barlaý sıaqty táýekeli kóp salaǵa ınvestısıa tartýdy talap etetin ótkir másele kún tártibinde tur.
Kodeks jobasyn ázirleý maqsatynda Mınıstrlik memlekettik organ men akkredıttelgen sýbekti ókilderinen basqa táýelsiz ǵylymı ınstıtýttardyń, halyqaralyq sarapshylardyń (Dúnıejúzilik bank, EYDU, Dandı Instıtýty) jáne mamandandyrylǵan konsaltıńtik kompanıa ókilderin qosqanda 98 adamnan turatyn jumys tobyn qurdy.
VAK-da «Jer qoınaýy jáne jer qoınaýyn paıdalaný týraly» QR Kodeks jobasynyń tujyrymdamasy maquldandy (2015 jyldyń 17 shildesinde) jáne qazirgi ýaqytta Kodeks jobasy jumys tobynyń qaraýynda.
Kodeks jobasynyń negizgi baǵyttary eń úzdik álemdik tájirıbe negizinde jer qoınaýyn paıdalaný quqyǵyn berýdi jeńildetý; qorlardy baǵalaýdyń halyqaralyq tártibine kóshý; geologıalyq aqparatqa qoljetimdilikti usyný jáne ony sandyq úlgige kóshirý; ıýnıorlyq kompanıalardyń naryǵyn damytý; turaqty túrde ınvestorlarǵa jer qoınaýyn paıdalanýdy júzege asyrý úshin kepildik berý qajet.
Budan bólek Kodeks jobasy mynalardy qarastyrady:
1) Ekonomıkalyq yntalandyrý ádisine kóshý (geologıalyq barlaýdy qarjylandyrýdyń eń az kólemi týraly damý talaptary, belgilengen jer qoınaýy ýchaskelerin paıdalaný úshin damý stavka tóleminiń júıesi);
2) keń taralǵan paıdaly qazbalar, kómirsýtekti shıkizat pen qatty paıdaly qazbalar úshin Kodekstiń arnaıy bóligine jeke erejeler engizý;
3) kelisimshart jasasý kezeńinde qorytyndylar men saraptamalardy, ártúrli rásimderdi túbegeıli qysqartý (saraptama ekologıalyq jáne ónerkásiptik qaýipsizdik bóliginde ǵana);
4) Jer qoınaýyn basqarý baǵdarlamalaryn engizý;
5) Dúnıejúzilik tájirıbe esebinen qatty paıdaly qazbalarǵa keń taralǵan paıdaly qazbalardyń kóptegen bóligin jatqyzý jáne keń taralǵan paıdaly qazbalardyń tizimin qaıta qaraý. Tek bazalyq qurylys materıaldary úshin jer qoınaýy quqyǵyn berý tártibiniń ereksheligin qaraý usynylady;
6) ken oryndaryn jabý kezinde elimizdiń ekologıalyq qaýipsizdigin qamtamasyz etý úshin ol oryndardy joıý jónindegi erejelerdi kúsheıtý;
7) memlekettik jáne jeke qarajat esebinen jer qoınaýyn geologıalyq zerdeleýdi engizýde naqty parametrlerdi anyqtaý;
8) tehnogendik mıneraldy túzilimderdi paıdalanýdy retteý;
9) dúnıejúzilik tájirıbe esebinen taýarlardyń, jumystar men kórsetiletin satyp alý qyzmetterin retteý jáne Dúnıejúzilik saýda uıymyna kirýge baılanysty jergilikti qamtý boıynsha talaptar kózdeledi;
Jer qoınaýyn paıdalaný Kodeksiniń jobasyn ázirlegende salyq salý, ekologıa, jer qatynastary sıaqty salalardy qosqanda joǵaryda kórsetilgen tásilderdi júzege asyrýdy qamtamasyz etýge baǵyttalǵan sabaqtas zańnamany bir ýaqytta jetildirý kózdeledi.
Kodeks jobasynyń Úkimetke engizý merzimi – 2017 jylǵy shilde, Parlamenttiń qaraýyna 2017 jylǵy qyrkúıekte jiberiledi.
Aǵymdaǵy jyldyń sońyna deıin Kodeks jobasynyń tolyq mátini Mınıstrliktiń saıtynda jarıalanyp, kelesi jyldyń basynan bastap, qoǵam ókilderiniń qatysýymen jan-jaqty talqylaýlar uıymdastyrý josparlanýda.
