Bas prokýratýrada Maıra Rysmanovanyń balasy Erbol Ahmetovtyń isin qaıta qaraýǵa áreket etýde dep habarlaıdy informburo.kz.

«Ahmetovtyń isi bir apta buryn tústi. Sot sheshimin joıý týraly qarsylyqtar daıyndalyp jatyr. Ahmetovty tutqyndaǵan Shý aýdandyq ishki ister basqarmasynyń jedel ýákili Erlan Jeldeshovke qatysty Qylmystyq is eki bap boıynsha jiberildi. Olar – qyzmetin asyra paıdalaný jáne uryp-soǵý áreketteri, urý baby boıynsha ol aqtalyp shyqqan» dedi Bas prokýratýranyń ýákili Erjan Ǵaleev.

 Onyń sózinshe Jambyl oblystyq prokýratýra onyń is-áreketin «kúsh kórsetý» babyna aýystyrýǵa qarsylyq bildirdi. Sot budan buryn Jeldeshovke qatysty bostandyǵyn shekteý týraly sheshim qabyldaǵan.

«Qazir bul sheshimdi joıýǵa qarsylyq engizilip, bas bostandyǵynan aıyrý týraly sheshim qabyldanbaq. 26 jeltoqsanda is qaralady» dep túsindirdi Ǵaleev.

Erboldyń anasy Maıra Rysmanova balasynyń isi qaıta qaralyp jatqanyn habardar bolǵanyn da aıtty.

Al Maıra Rysmanovanyń qyzy Aqmaral bas prokýror Jaqyp Asanovpen kezdesýdi talap etti. Ol da anasy sekildi ózine qol jumsaıtynyn aıtty.

«Kim shyǵady?! Kim jaýap beredi?! Endi qansha adam ádilttilik úshin ózin órteıtin bolady? Men de ózimdi órtep jiberemin, ant etemin! Anam dúnıeden ozdy. Bul dúnıede meni eshteńe ustap turǵan joq. Onyń artynan men de ketemin» dep talyp qaldy.

Qaýipsizdik qyzmetiniń qyzmetkerleri Aqmaraldy kóterip alyp, baqylaý pýnktine kirgizdi. Dárigerler medısınalyq kómek kórsetti.