Elimizge belgili ánshi Qaırat Nurtas «Daryn» memlekettik syılyǵynyń ıegeri atanǵany jaıly Qamshy portaly jarıalaǵan bolatyn. Sonymen qatar óner qaıratkeri «Qurmet» ordenimen marapattaldy. Bul jaıynda ánshi óziniń jelidegi paraqshasynda halyqtan súıinshi surap, qýanyshymen bólisti.
«Assalaımaǵaleıkým, qurmetti jamaǵat! Eń aldymen barshańyzdy Táýelsizdigimizdiń 25 jyldyǵymen quttyqtaımyn! Osyndaı marapatty alý men úshin úlken mártebe jáne jaýapkershilik. Elbasymyzǵa jáne meni Qaırat etken tyńdarmandaryma shyn júrekten alǵys aıtqym keledi.Biz qandaı jetistikke jetsek de ol elimizdegi beıbit zamannyń, Elbasymyzdyń xalqy úshin tókken teriniń sebebinen dep bilemin. Mine ónerimizdi xalyqqa usyný úshin de barlyq jaǵdaı,úlken múmkindikter jasalǵan. Sondaı nysandardyń biri Almaty arenada Táýelsizdigimizdiń 25 jyldyǵyna arnalǵan án keshimdi bermekpin. Bizge osyndaı baqytty ómir men tolaǵaı tabystar syılaǵan táýelsizdigimiz máńgilik bolsyn!»
«Búgin Baýyrjan Qydyrǵalıulynyń qolynan Elbasymyzdyń jarlyǵymen berilgen "QURMET" ordenin alý buıyrdy! Erkelep án arnatqan elime raxmet!»
Aıta ketetin bolsaq, Qurmet ordeni - Qazaqstan Respýblıkasynyń ordeni. 1993 j. QR Prezıdentiniń Jarlyǵymen belgilengen. Ordenmen ekonomıkany, áleým. salany, ǵylym men mádenıetti, bilimdi damytýǵa eńbek sińirgen qaıratker azamattar marapattalady.
Sonymen «Qurmet» ordenimen marapattalǵan qaıratkerlerdiń qatarynda Shahmatshy Dınara Sádýaqasova, Shyǵys Qazaqstan oblysy Tarbaǵataı aýdanynyń ákimi – Ońtústiktiń týmasy Dildábek Orazbaev, Aqyn, Halyqaralyq «Alash» ádebı syılyǵynyń laýreaty, «Qurmet» ordeniniń ıegeri Zaıda Elǵondınova syndy zıaly qaýym ókilderi bar.
Qamshyger: Nazerke Labıhan
