Astana turǵyny retinde Ońtústik Qazaqstan oblysynyń aýyl sharýashylyq jármeńkesin ótkizip jatqandarǵa alǵysym sheksiz.  Astanaǵa qara sýyq túsip, qar jaýyp ketse de, elorda turǵyndary ońtústiktiń qarbyz-qaýynyn jeýge múmkindik alǵany qýantady.  Qurt-irimshik, qymyz-shubat, baýyrsaq sıaqty ulttyq taǵamdar jáne bar. Búgin tańerteń «Han Shatyr» saýda oıyn-saýyq ortalyǵynyń aldynda Ońtústik Qazaqstan oblysynyń jármeńkesi bastalyp, ońtústigimizdiń qanshama ónimin satyp aldyq.

Astanada qarbyzdyń maýsymy tez ótip ketedi, toıyp jep úlgermeımiz. Sol sebepti, ońtústiktiń qarbyz-qaýynynan aýyz tıeıik dep satyp aldym. Kılosy 90 teńgeden eken. Buǵan qosa mundaı baǵa tappaısyz. Jármeńkede sábiz, kartop, pıaz sıaqty kókónisterdiń kılosy 50 teńgeden, baıaldy – 100 teńgeden, qurttyń kılosy – 1 400 teńgeden, irimshik – 1 100 teńgeden, jylqy eti – 1 200 teńgeden, jylqynyń qazysy – 1 500 teńgeden, jumyrtqa – 22 teńgeden satylýda. Bul degen qarapaıym halyq úshin óte qoljetimdi baǵa.  Uıymdastyrýshalyrdyń aıtýynsha, ońtústik óńir aýyl sharýashylyq ónimderimen Qazaqstannyń barlyq oblystaryn qamtýǵa tyrysady eken. Oblys ákimdigi jemis-jıdek, kókónis egiletin jerlerdiń kólemin de jyl saıyn ulǵaıtyp, dıhandarǵa qoldaý kórsetýdi júıeli túrde júrgizip kele jatqanynan da habardarmyz. Sáıkesinshe ónim kólemi de artýda.

Jazıra  ASQAR,

Astana qalasynyń turǵyny