Búgin aýrýhanada qaıtys bolǵan Maıra Rysmanovanyń uly Erbol Ahmetov ózine qol jumsaǵan. Oqıǵa 8 jeltoqsanda oryn aldy. Erbol Ahmetov tamyryn kesip jibergen. Abyroı bolǵanda jigit aman qaldy. Qazir onyń ómirine eshqandaı qaýip tónip turǵan joq. 
Búgin Bas prokýror Jaqyp Asanov qaıtys bolǵan Maıra Rysmanovanyń ápkesi Danıa Rysmanovany qabyldaǵan edi. 
Bas prokýror Maıra Rysmanovanyń týystaryna kóńil aıtyp,  48 jasynda dúnıeden ozǵan Maıra Rysmanovanyń jerleý rásimine kómektesetinin de jetkizdi.
Ózin órtep, aýrýhanada qaıtys bolǵan Maıra Rysmanovanyń qyzy da Jaqyp Asanovpen kezdeskisi keletinin aıtqan. Alaıda Astanadaǵy Bas prokýratýranyń aldynda talyp qalǵan. Oǵan medısınalyq kómek kórsetildi. 
Jambyl oblystyq İİD sotynyń Erbol Ahmetovke qatysty shyǵarǵan úkimine narazy bolǵan Maıra Rysmanova ózin órtep jibergen. 
Bas Prokýratýra atalmysh oblystyń İİD shyǵarǵan sot úkimderin tekseretin vedomstvoaralyq top qurylatynyn málimdedi. Ony Bas prokýrorlyq orynbasary E.A.Kenenov basqarady.