Jańa is bastaǵan ońtústikqazaqstandyq kásipkerdiń eńbegi týraly oraıy kelgende aıta ketkendi jón sanadyq. Saıram aýdany Mankent aýylynyń turǵyny Mıralım Mırabdýllaev taıaýda «Jumyspen qamtý-2020» baǵdarlamasy boıynsha fermerlik sharýashylyq quryp, óziniń jeke bıznesin ashty.
Birneshe jyldan beri eki qolǵa bir jumys tappaǵan úsh balanyń ákesi Mıralım Mırhadıuly otbasyn asyraýǵa shamasy áreń jetip kelgen. 2011 jyldyń qarashasynda aýyl turǵyny jergilikti jumyspen qamtý ortalyǵyna baryp, ol jerdegi mamandar azamatqa kásipkerlik negizin úırenýge keńes beredi. Mıralım Mırabdýllaev oqý kýrsyna jazylyp, býhgalterıa negizderin, josparlaý, kásipkerlik negizderi men marketıń negizderin úırenipti. «Saıram aýdanynda iri qara mal ósirýdi uıymdastyrý» boıynsha bıznes-jospar jazyp, ony sátti qorǵap shyqqan. Sóıtip, bul kásibin júzege asyrýǵa shaǵyn nesıe uıymyna joldama alady.
Sóıtip júrgende byltyr qańtar aıynda kepil múligi baǵalanyp, Halyqqa qyzmet kórsetý ortalyǵy kelisimshartty tirkegen soń jobasyn iske asyrýǵa bank 1 mln. teńge nesıe berse kerek.
«Qazir meniń otyz shaqty iri qara malym bar. Kásibimniń órkendep kele jatqanyn maqtanyshpen aıta alamyn. Endi «Jumyspen qamtý-2020» baǵdarlamasy boıynsha memlekettiń qoldaý kórsetýi arqasynda otbasymnyń bolashaqqa degen senimi arta tústi. Memleket basshysyna jáne basqa da kómek qolyn sozǵan azamattarǵa alǵysym sheksiz. Baǵdarlamanyń arqasynda baǵym jandy», – deıdi Mıralım Mırabdýllaev.
Onyń bolashaqta iske asyramyn degen arman-tilegi kóp. Urǵashy sıyr tuqymyn alyp, qoı ósirip, mal ustaıtyn qora-qopsy salmaqshy. Keıin aýyldastaryn da jumyspen qamtymaq oıy bar.
Esterińizge sala ketsek, «Jumyspen qamtý-2020» baǵdarlamasynyń maqsaty turaqty jáne nátıjeli jumyspen qamtý arqyly halyq tabysyn arttyrý bolyp tabylady. Qazaqstannyń údemeli ındýstrıalyq-ınnovasıalyq damýy eńbek naryǵy kókjıeginiń keńeıýine múmkindik berýde. Ózin-ózi jumyspen qamtıtyn, jumyssyz jáne az qamtylǵan halyqty jańa óndiristik, aýylsharýashylyq kásiporyndar men iri ınfroqurylymdyq jobalarǵa tartý memlekettiń basty mindeti, kedeılik kórsetkishin tómendetý máselesin sheshýge kómektesedi.
Aqjol Kentpaev
