Mal sharýashylyǵyn damytyp, odan alatyn ónimdi eseleýdiń jańa jospary túzildi. Jospardy oblystyq aýyl sharýashylyǵy basqarmasynyń basshysy tanystyrdy. Eger qujat júzege assa, aýylda turatyn aǵaıynnyń áleýeti artpaq.

Basqarma basshysy tanystyrǵan jospar boıynsha sútti baǵyttaǵy iri qara mal salasyn damytýǵa jiti nazar aýdarylyp, úsh baǵytta júzege asady. Sondaı-aq, etti iri qara mal salasyn damytýǵa da jiti nazar aýdarylady. Sharany júzege asyrýǵa búdjet jáne qajdy ınstıtýttary tarapynan 21 mıllıard teńge baǵyttalmaq.

Eń bastysy — aýyldyq tutyný kooperasıasyn qurý jobasy usynyldy. Úsh jyldyq jospardyń taǵy mańyzdy maqsattarynyń biri — ár bastan alynatyn ónimdi kóterip, sapasyn jaqsartý arqyly naryqtaǵy básekege qabilettikti arttyrý bolyp tabylady.

Mal ónimdiligin arttyrýda eń negizgisi — sapaly mal azyǵymen qamtamasyz etý. Bul turǵyda egistik alqaptaryn ártaraptandyrý barysynda mal azyqtyq daqyldarynyń egis kólemin ulǵaıtýǵa basymdyq berilip, 2016 jylǵa deıin 100 myń gektarǵa artyq egiletin bolady. Qazirgimen salystyrǵanda soıaýly mal azyǵy 250 myń teńge, qunarly jem 45 myń teńge, súrlem 85 myń teńgege artyq óndiriledi. Osy kólemdi ıgerýge jańadan 542 tehnıka, 2,4 mıllıard teńge bólý josparlanýda.

Sútti baǵyttaǵy iri qara mal ósirý salasyn damytý salasy 3 baǵytta júrgiziletin bolady. Birinshi baǵyt — asyl tuqymdy sútti baǵyttaǵy buqanyń uryǵyn paıdalaný arqyly jergilikti iri qara mal tuqymyn jaqsartý. Ekinshi baǵyt — sút taýarly fermalardaǵy tabyndy jańartý maqsatynda asyl tuqymdy analyq baspen almastyrý. Úshinshi baǵyt — 2014-2016 jyldary qosymsha sút taýarly fermalary men januıalyq fermalar qurý.

Abai.kz