31 arnada tusaýkeser! 14 jeltoqsannan bastap 21.00-de áıgili «Kýhná» telehıkaıasynyń kópten kútken spın-off nusqasyn kóre alasyzdar. Degenmen, «Otel Eleon» «Kýhnádan» da aýqymdy. Bir qýanarlyǵy, «flagmandyq» jobada «Kýhnádaǵy» kórermenniń súıkimin oıatqan erekshelikter saqtalǵan. Munda jan jadyratar ázil, dınamıka, minezdi keıipkerler, komedıalyq týyndyny ekshn-ǵa, avantúraǵa, detektıvke aınaldyrǵan biregeı hıkaıalar bar.   

Kórermenderdiń endigi nazary meıramhananyń ishindegi ómirge emes, oteldiń jasyryn, búrkemeli jaǵyndaǵy ómirge aýady. 

…Vıktor Barınov zeınetke ketti, al Eleonora Andreevna óziniń armanyndaǵy er azamatty jolyqtyrdy – «Kýhnányń» altynshy maýsymy osylaı aıaqtalǵan bolatyn. Biraq ómir onymen toqtaǵan joq. Mıhaıl Djekovıch áli kúnge «Eleondaǵy» tártipke jaýap beredi, al Victor meıramhanasynyń bas aspazy etip Sená taǵaıyndalǵan. Ómir óz arnasymen aǵyp jatqan, kenetten oteldiń bastyǵy bolyp burynǵy qojaıynnyń nemere inisi Pavel degen júgermek keledi. Pavel ápkesiniń qatań talaptaryn oryndaý úshin Brússelden Sofıa Tolstoı esimdi sýper menedjerdi shaqyrtady. Jańa basqarýshy kelgen betten óz erejelerin engizedi. Sodan bastap «Eleonnyń» ǵana emes, búkil keıipkerlerdiń burynǵy typ-tynysh qalypty ómiri kózden bulbuldaı ushyp, josparlary kúl talqan bolyp, túbegeıli ózgeriske ushyraıdy. 

«Zamanaýı týyndy, dınamıkalyq sújet! Senarıi tamasha, akterleri sheber, bári nanymdy, úılesimdi. Bul hıkaıadan ǵajap lázzat aldym, shegim túıilgenshe kúldim. Saýndtrekterin aıtsańyzshy!», - dep, ánshi Iýlıa Nachalova telehıkaıa jaıynda óz pikirin bildirdi.

 «Birinshiden, maǵan sýreti unady: tústeri qanyq, beıneli, stıldi, bir sózben, keremet. İri plandaǵy beınelerge, kadrlarǵa kóz almaı qaraı bergiń keledi! Kastıng talǵammen ótken: ádemi akterler, jańa beıneler, sonymen birge tanymal komedıalyq artıser. Bárinen buryn, sújeti qandaı tamasha! Kúlkige qaryq qylady. Kúıeýimiz ekeýmiz ishegimiz túıilgenshe kúldik, komedıa úshin eń bastysy, osy emes pe?», - dep ánshi Avrora Reseıdegi tusaýkeserden keıin óz oıyn aıtty.   

«Men alǵash ret bizdiń oteldi kórgen kezde, aýzymdy ashyp turyp qaldym, - deıdi «Otel Eleon» telehıkaıasynyń aktrısasy Olga Kýzmına. – Árıne, keń aýqymdy dúnıe kóremin dep úmittengenmin, biraq munshalyqty ǵalamat bolady dep oılamadym.  Meni onyń záýlimdigi tańǵaldyrdy: bári qymbat kórinedi, jarq-jurq etken buıymdar, kádimgi shyn otelden aınymaıdy. Ózimdi bir tańǵajaıyp elge saıahatqa kelgendeı sezindim».

«Jańa hıkaıa burynǵydan da kúlkili bolyp shyǵypty, senarıdi oqyǵan saıyn esinen aýysqan adamdaı shıqyldap kúle berdim», - deıdi telehıkaıa aktrısasy Dıana Pojarskaıa (Dasha).

Túsirilim qarsańynda oteldiń burynǵy dekorasıalary qaıta qalpyna keltirilip, jańa telehıkaıaǵa ıkemdelgen. Asqananyń kólemi kishireıip, onyń ornyna spa-salon, baseın, prezıdenttik «lúks» jáne kir jýatyn bólme qosylǵan. Shabyt shaqyrý úshin fılm jasaýshylar kádimgi qonaqúılerdi zerttep, otel bólmeleri qalaı jasalatynyn bilip qaıtqan. Aıtpaqshy, «Eleon» oteliniń eń basty qyzyǵy – qyzmetshi áıelder. Olardyń arasynda shynymen qonaq úıde qyzmetshi bolyp jumys isteıtin názik jandylar bar. Negizinde, qyzmetshi áıelder «Kýhnányń» kezinde de bolǵan, biraq jańa joba úshin olardyń jumys formalaryna ózgeris enip, kóz tartar dekolte men qynama bel kóılekter paıda bolǵan. Shyndyǵynda, «Otel Eleon» – qyzyqty obrazdarǵa baı týyndy. Keıipkerler bir ýaq Venesıan karnavalyna arnalǵan kostúmder kıip kórse, endi birde «Taqtar oıyny» telehıkaıasyndaǵy obrazdarǵa enedi.

Juldyzdy keıipkerler, kir jýatyn bólmedegi yntyqtyq jáne Venesıan karnavaly – «Otel Eleon» atty jańa komedıalyq telehıkaıada!  

14 jeltoqsannan bastap 21.00-de 31 arnada!