Tájikstandaǵy ulttyq bankiniń basshylyǵy 1000 somonıdi prezıdenti Emomalı Rahmonnyń sýretimen basyp shyǵaraıyq degen Isfara qalasyndaǵy turǵyndardyń ótinishin qabyl alǵandyǵy jaıly ozodi.org habarlaıdy, maqalanyń qazaqsha nusqasyn Qamshy portaly oqyrman nazaryna usynady.
Bank dırektory Djamshed Nýrmýhammadzoda bul oıdyń avtory №15 orta mekteptiń oqytýshysy Hasanboı Asadovqa joldaǵan hatynda: «Bul máseleni qazir mamandar qarap jatyr», - dep málimdedi.
Hasanbaı Asadov 14 jeltoqsan kúni Ozodı radıosyna bergen suhbatynda bir jyl buryn banknotanyń úlgisin jasap, ulttyq bank ákimshiligine hat joldaǵandyǵy jaıly aıtqan bolatyn. Ol úlgi boıynsha, jańa aqshanyń bir betinde Emomalı Rahmonnyń sýreti, al ekinshi jaǵynda Tájikstannyń Joǵarǵy Úkimetiniń 16-shy «tarıhı» sesıasy ótken Arbob saraıynyń sýreti bolýy tıis. Dál osy sesıada Emomalı Rahmon parlament basshysy bolyp taǵaıyndalǵan bolatyn.
Somonı – Tájik eliniń ulttyq valútasy, 2000 jyldyń 30 qazanynan bastap aınalymǵa engen, ár banknotada tájikterdiń belgili aqyn-jazýshylary, ǵalymdarynyń mýretteri beınelengen. 1 somonıda aqyn ári saıasatker Mırzo Týrsýn-Zade; 3 somonıda memleket qaıratkeri Shırınsho Shotemýr; 5 somonıda tájik ádebıetiniń negizin salýshy Sadrıddın Aını; 10 somonıda fılosof, aqyn Mır Saıd ál-Hamadonı; 20 somonıda uly dáriger Ábý Álı ıbn-Sına; 50 somonıda shyǵystanýshy jáne Tájikstannyń baıyrǵa prezıdenti Bobodjon Gafýrov syndy adamdardyń sýretteri beınelengen. Al, 100, 200 jáne 500 somonılarSaman memleketiniń árgesin qalaǵan Ismoıl Somonı, Tjákstannyń batyry Nýsratýllo Mahsým, tájik klasıkalyq ádebıetiniń kórnekti ókili Abý Abdýlloh Rýdakı portretterimen shyǵarylǵan.
Keıbir mamandardyń oıynsha, Qazaqstan Nursultan Nazarbaevtiń sýreti beınelengen 10000 teńgelik banknotany shyǵarǵannan keıin Tájikstan da mundaı aqsha shyǵarý jaıly sheshimge kelgen.
Aýdarǵan: Nazerke Labıhan
