Túrkıalyq ánshi ári kompozıtor Orhan Chakman elbasy Nursultan Nazarbaevqa án arnady dep habarlaıdy NUR.KZ portalynyń óńirdegi tilshisi.

Óner ıesi túrik tilindegi bul týyndysyn Ońtústik Qazaqstan oblysynyń ákimi Janseıit Túımebaevtyń shaqyrýymen Shymkentte ótken sharada qazaqtyń shapanyn kıip oryndady.

El Táýelsizdiginiń 25 jyldyq merekesine oraı «Otyrar» kitaphanasynda ótken basqosýda «Nursultan Nazarbaev» dep atalatyn ándi aldymen OQO ákimi zıaly qaýym ókilderine arnaıy tanystyrdy. Bir qyzyǵy, jańa týyndy kitapshaǵa ornalastyrylǵan. Iaǵnı, shaǵyn kitapshany ashsańyz, beınebaıany bar án ózdiginen shyrqalady.

«Qazaqstannyń rýhy - Nursultan Nazarbaev, ólkeniń halqy úshin, óziniń janyn bergen - Nursultan Nazarbaev, halqynyń erkindigin, dúnıege jarıalaǵan - Nursultan Nazarbaev» degen óleń joldarynan quralǵan túrik tilindegi ándi Orhan Chakman Kórme ortalyǵynda ótken «Táýelsizdik tuǵyrym!» dep atalatyn saltanatty sharada jurtshylyq aldynda shyrqady.

Árıne, bul sharaǵa jınalǵan qaýymnyń tańdanysyn týdyrdy. Olardyń qatarynda Ońtústik Qazaqstan oblysynyń burynǵy ákimi, elimizdiń qazirgi Aýyl sharýashylyǵy mınıstri - Úkimet basshysynyń orynbasary Asqar Myrzahmetov te bar.

Bul Túrkıada talaı jyl eńbek etken Túımebaev myrzanyń elbasyǵa arnaǵan tosynsyıy boldy. Aıta keterligi, «Táýelsizdik tuǵyrym!» sharasynda oblystan shyqqan 42 azamat «Qurmet» ordenimen jáne taǵy da basqa medaldarmen marapattaldy. Bilim berý, densaýlyq saqtaý jáne mádenıet salasynyń 110 mamany Túrkıa elinde tájirıbe almasý úshin arnaıy joldamaǵa ıe boldy.