Internet jelisinde #russiansdidit (muny orystar istegen) heshtegi halyq arasynda keńinen qoldanylyp jatyr. Amerıkalyq jeli qoldanýshylary ózderiniń basyna túsken náýbettiń barlyǵyna reseılikterdi kinálaýǵa arnalǵan bul iske belsene aralasyp otyr. Muny oılastyryp otyrǵan amerıka bıligi dep habarlaıdy kp.ru, málimettiń qazaqsha nusqasyn Qamshy portaly oqyrman nazaryna usynady.

Kishkentaı balaǵa birqatar máselelerdi qalaı túsindirýge bolady? Mysalyn, saılaýda nege Donald Tramp jeńiske jetti? Uly Brıtanıa nege ES-ten shyǵyp ketti? Nege ystyq sý aqpaıdy? Osy syndy kóptegen málelelik suraqtarǵa qalaı jaýap berýge bolady? Amerıkalyqtar munyń sheshimin tapty: «barlyǵyn da istep otyrǵan reseılikter».

#russiansdidit heshtegi facebook pen twitter jelisinde keńinen taralyp, ár túrli sýrettermen jazylyp shyǵyp jatyr.

Sonymen qatar ózderiniń jeńilisterine tek Hıları Klıntondy kinálaıtyn  reseılik hakerler tóńireginde de osy syndy birneshe shymshyma ázilder júr. «Meniń kánim joq, ofıser. Reseılik hakerler meniń jyldamdyq kórsetkishimdi buzǵan».

Ekspertterdiń oıy:

• Sońǵy jyldary Batystaǵy aqparat soǵysy mánsiz-maǵynasyz turǵyda órship keledi, - deıdi amerıkandyq saıasatker Sergeı Svýdakov. – Ótirik aqparattar legi Batystyq  BAQ-ta úırenishikti jaǵdaı bolyp qaldy. Tipti, Batystyq medıa-holdıngter arasynda reseılikterdiń urlyǵy men qanaý áreketterine qatysty kim kóp aıyptaýlar jasaıdy degen jarys uıymdastyrylǵan sekildi. Barlyq aıyptaýlardyń artynda iri kásipkerlerdiń turǵany aıdan anyq. Búgingi tańda reseılikterge Klıntonnyń ólimi men Tıtanık kemesiniń batýyna sebepker bolǵan degendeı aıyptaýlar ǵalamtorda keńinen taralyp jatyr. Aqparattyq soǵystar túrli ázilder men aıyptaýlardyń arqasynda damıtynyn este saqtaǵanymyz durys.

Aýdarǵan: Nazerke Labıhan