2016 jyldan bastap  aýyldyq jerde  turǵyndardy jumyspen qamtý saıasatyn belsendi júrgizý, kásipkerlikti damytý jáne jumyssyzdyq deńgeıin tómendetý maqsatynda «Nur Otan» partıasy men QR Densaýlyq saqtaý jáne áleýmettik damý mınıstrligi birlesip «Aýyl turǵyndaryn jumyspen qamtý» jobasyn júzege asyrýda. Joba oblysymyzda 2014-2016 jyldary iske asyrylǵan mal sharýashylyǵyn damytý baǵdarlamasynyń ońdy tájirıbesi nátıjesinde júrgizilýde. Baǵdarlama bastaý alǵaly 34,5 myń tonna et, 40,2 myń tonna sút óndirilip, 11 myńǵa jýyq jumys orny ashylǵan.

            Jobaǵa qatysýshylardyń biri – Ábdiramanovtar otbasy. Ábdikárim men Svetlana Tólebı aýdany Kóksáıek aýylynda turady. Ábdikárim – zooınjener, Svetlana – kitaphanashy. Otaǵasy keńes ókimeti tusynda Reseıdegi nan zaýytynda qyzmet etken. 1991 jyly Keńes Odaǵy taraǵan soń elge oralǵanymen, 2000 jylǵa deıin zooınjenerge jumys tabylmaǵan.

            2011 jyly kishi uly Rýslan joǵary oqý ornyn agronom-ınjener mamandyǵy boıynsha bitirip shyǵyp, otbasylyq kásiptiń qamyna kirisken. 2015 jyly «Yrys» MKU JSHS-den mal bordaqylaý jobasyn júzege asyrý úshin 3 jylǵa 3 mln. teńge nesıe alǵan. Arnaıy qorasy, jem-shóbi bar. Birneshe adamdy jumyspen qamtyp otyr. 2015 jyly lızıńpen MTZ-82/1 markaly eki traktor alǵan. Qazirgi tańda 20 iri qara maldy bordaqylap, 34 maldy jaıylymǵa jibergen. Sonymen qatar, fermerler jer óńdep, bıdaı egip, sharýasyn dóńgeletip otyr. Mine, munyń ózi memlekettik qoldaýdyń halyq úshin oń nátıjesin beretininiń jarqyn úlgisi.

«Ońtústik Qazaqstan»