Bıyl Táýlesizdigimizdiń shırek ǵasyry. Osyǵan oraı Elbasy Nursultan Nazarbaevtyń Jarlyǵymen elimizdiń qoǵam qaıratkerleri men mádenıet qaıretkerleri, óner adamdary men túrli salada jaqsy nátıje kórsetken azamattarǵa arnaıy merekelik medaldar berildi. Marapattalǵan tulǵalardyń qatarynda elordalyq birqatar din qaıratkerleri de bar dep habarlaıdy sunna.kz

Prezıdentimizdiń 29 qarashadaǵy Jarlyǵy boıynsha, QMDB-nyń naıb múftıi, "Nur Astana" ortalyq meshitiniń bas ımamy  Ótpenov Naýryzbaı Taǵanuly "Qurmet" ordeninimen, "Qazaqstan Respýblıkasy Táýelsizdiginiń 25 jyldyǵy" merekelik medalimen marapattalsa, QMDB-nyń apparat jetekshisi Májıev Ǵylymbek Jádigerulyna "Eren eńbegi úshin" arnaýly alǵys hat tapsyryldy. Al, QMDB-nyń Ýaǵyz-nasıhat bóliminiń basshysy Ońǵarov Ershat Aǵybaıuly "Qazaqstan Respýblıkasy Táýelsizdiginiń 25 jyldyǵy" merekelik medalimen marapattaldy.

Sonymen birge, Astana qalasyndaǵy "Sádýaqas qajy Ǵylmanı" meshitiniń bas ımamy Sadyrhanov Jumanazar Óserhanulyna, "Sádýaqas qajy Ǵylmanı" meshitiniń naıb ımamdary Mamlúk Mýsaev pen ÁdilAgıtaevqa Prezıdent Jarlyǵymen "Qazaqstan Respýblıkasy Táýelsizdiginiń 25 jyldyǵy" merekelik medali tabystaldy. "Nur Astana" ortalyq meshitiniń naıb ımamy Marat Bektazınov, "Ás-Sálám" meshitiniń bas ımamy Asqat Sálımovke, "Áljan Ana" meshitiniń bas ımamy Qýanysh Sábıtke de atalmysh merekelik medal tabystaldy.