Jýyqta aýyl sharýashylyǵynyń damý qarqynyn bilý maqsatynda Túrkistan qalasyna qarasty Eski Iqan aýylyndaǵy otbasylyq sharýa qojalyqtarynyń jáne Shaǵa aýyldyq okrýgindegi «Mamlakat» sharýa qojalyǵynyń tynys-tirshiligimen tanys boldyq.

         Eski Iqan aýylyndaǵy «Babyr» sharýa qojalyǵy 2014 jyly «Jol kartasy – 2020» baǵdarlamasy aıasynda «Yrys» shaǵyn nesıe uıymynan 3 mln. teńge alyp, iri qara mal baǵyp otyr. Munda 24 sıyr bordaqylanýda. Úsh azamatty turaqty jumys ornymen qamtyǵan «Babyr» sharýa qojalyǵy bir jyl ishinde 30 tonna sút óndirgen. Sondaı-aq, sharýasyn dóńgeletip otyrǵan «Bereke» qojalyǵy da atalǵan nesıe uıymynan 3 mln. teńge alǵan. Qazirgi tańda aýlasyndaǵy úıirgelik jerde 15 sıyrdan kún saıyn 160-170 lıtr sút saýyp, tabysyn eselep otyrǵan qojalyqtyń tirligi is bastaımyn degenderge úlgi bolarlyqtaı-aq.

         Shaǵa aýyldyq okrýgindegi «Mamlakat» sharýa qojalyǵynyń jumysyn kórgende tańdanystarymyzdy jasyra almadyq. Tórt túlik malǵa arnalǵan bordaqylaý alańynan bastap, arnaıy zerthanasy bar mal soıý orny, etti tereń óńdep, odan shujyq isteıtin bul qojalyqtyń tynysy keń. «Mamlakat» sharýa qojalyǵynyń atqaryp jatqan jumysyna qarap, keleli isterdi bastaýǵa tek nıet bolsa jetkilikti ekenine kóz jetkizdik.

Ábdirahman QYDYRBEK. Túrkistan qalasy.