Qazaq jerine tuńǵysh ret tabany tıgen Izraıl premer-mınıstrine prezıdentterge saı qurmet kórsetildi. Parlamenttik basqarýda bolǵandyqtan Benámın Netanáhýdyń bıligi de, quzyreti de keń. Álemdegi saıası salmaǵy aýyr saıasatkerlerdiń birimen Aqordada kelissóz júrgizgen Nursultan Nazarbaev Izraılden úırenetin sharýa kóp ekenin jasyrmaı aıtty. Ásirese, Qazaqstandy bul memlekettiń aýyl sharýashylyǵy, medısına men jańa tehnologıa salasyndaǵy jetistigi qatty qyzyqtyryp otyr. Sondaı-aq, áskerdi qarý-jaraqpen qamtý, ekstremızmge toıtarys berý boıynsha da kúsh biriktirmek. Búgin osyndaı birneshe kelisimge qol qoıǵan Nazarbaev pen Netanáhý alys-beristi, barys-kelisti arttyrýǵa da ýaǵdalasty dep habarlaıdy ktk.kz
Benámın Netanáhý, Izraıl premer-mınıstri:
-Qazaqstannyń qazbaly baılyqqa kiriptar bolmaıtyn ekonomıkaǵa aýysyp jatqanyn bilemin. Buny jalǵastyra berý kerek. Máselen, bizde shıkizat joq. Jaqynda ǵana gaz qory tabyldy. Jalpy, Qazaqstanmen tájirbıe bólisýge, senimdi seriktes bolýǵa ázirmiz.
Nursultan Nazarbaev, Qazaqstan Respýblıkasynyń prezıdenti:
-Eki el turǵyndary vızasyz júrýi tıis. Tikeleı áýe reısi de, ashylýy qajet. Sonymen qatar Izraıldiń álemdegi ozyq medısınasynan úırenerimiz kóp. Bizdiń mamandar osy jaqtan oqyp kelip jatyr. Osyǵan oraı birqatar ýnıversıtettik klnıkalardy ızraıldik kompanıalardyń basqarýyna berýge daıynbyz.
Pikir qaldyrý