Atyraýda búgin tań atysymen eki qabatty 16 páterlik úıdiń tóbesi opyrylyp, shańyraǵy ortasyna tústi. Qar aralas jaýǵan jaýynnyń saldarynan bolǵan tosyn jaı turǵyndardyń záre-qutyn qashyrǵan. Abyroı bolǵanda adamdary din aman. Alaıda, «Táýelsizdigimizdiń 25 jyldyǵynda tozyǵy jetip, shatyry qulaǵan páterde qaldyq» degen turǵyndar bılikten qaıyr bolmaı otyrǵanyn aıtady.

ROZA TAILYBAEVA, Qala turǵyny:

 - Daýys estildi bizge strashno. Qarasaq esik ashqyzbaıdy bizge, shań. Ári beriden soń shyǵyp qarasaq, mynadaı ıstorıa bolyp jatyr eken. Ketesińder dep bergenine osyndaı boldy. Bıyl 9 jyl boldy. Sodan beri kele jatyrmyz biz osylaı. Úı joq, áli. Aınalamyzdyń bári ketti. Ortasynda bir úı qalyp otyrmyz.

Turǵyndardyń aıtýynsha, eki qabatty myna úı 1969 jyldary paıdalanýǵa berilgen. 46 jyl bolǵan 16 páterlik úıdi qazirgi tańda júzden astam adam panalaýda.  Jylýy, kógildir otyny men ystyq sýy joq baspananyń búgingi sıqy adam shoshyrlyq. Sebebi, «2007 jyldan beri apatty dep tanylǵan baspanamyz aqyry qulap tyndy. Biraq bıliktegilerdi áli de alańdatar emes» dep ashynady turǵyndar. Al aqjaǵalylar bolsa, 16 páterlik  úıdiń turǵyndaryna «2011 jyldan beri basqa páterge kóshýlerine jaǵdaı jasalǵandyǵyn, alaıda turǵyndar biraýyzdan qala ortasynan ǵana páter talap etip, usynylǵan baspanadan bas tartqandaryn aıtady. Aıtýlarynsha qazirgi tańda memlekettik turǵyn úı qorynda bos turǵyn úı joq kórinedi.

QAIRAT KENJEÁLIEV, Atyraý qalalyq TÚKSH jáne AJ bólimi basshysynyń orynbasary: