Eýropalyq Odaq Qazaqstan Respýblıkasyn memlekettik táýelsizdikti jarıalaýdyń 25 jyldyǵymen quttyqtaıdy.
Eýropalyq Odaq Qazaqstanda transformasıa úderisterin qoldaıdy jáne Qazaqstan halqynyń ıgiligi úshin osy baǵyttaǵy jumysty jalǵastyratyn bolady. Biz Keńeıtilgen áriptestik pen yntymaqtastyq týraly kelisim jáne Ortalyq Azıa boıynsha EO strategıasy negizinde eldiń damýy, turaqtylyǵy men qaýipsizdigi jolynda uzaq merzimdi qatynastarǵa múddelimiz. Kelesi jyly EKSPO-2017 kórmesin ótkizý aıasynda Qazaqstanǵa barynsha tabys tileımiz.
Brússelde 4 qazanda ótkizilgen EO-Qazaqstan Yntymaqtastyq keńesi jańa Kelisimge qol qoıylǵannan keıin oryn alǵan alǵashqy basqosý bolyp, Kelisimniń ýaqytsha qoldanylýyn, sondaı-aq barlyq salalardaǵy bizdiń ekijaqty qarym-qatynastardyń nyǵaıýyn qarastyrýǵa múmkindik berdi. Birikken Ulttar Uıymy Qaýipsizdik Keńesinde Qazaqstannyń aldaǵy músheligi bizdiń ózara yntymaqtastyǵymyzdy kópjaqty forýmdar sheńberinde odan ári nyǵaıtýǵa, sondaı-aq óńirlik jáne jahandyq qaýipsizdik máseleleri boıynsha ózara yqpaldastyqty jandandyrýǵa jol ashady.