Aýdan ákimdiginiń úlken májilis zalynda, aýyl sharýashylyǵy taýarlaryn óndirýshilerdiń jıyny ótti. Jıynǵa aýdan ákim M. Isaev, aýyl kent ákimderi, agroqurylym ókilderi, sharýa qojalyq ıeleri, jáne Birikken Arab Ámirlikterine eksportqa mal shyǵaratyn «Dısada» JSHS- niń dırektory S. Súleımenov qatysty.

Aýyl sharýashylyq jáne jer qatynastary bóliminiń basshysy Á. Sahıuly habarlama jasady. Jıynda qaralǵan negizgi másele keler jyly Arab memleketterine maıda maldy eksportqa shyǵarýdy qolǵa alyp, oǵan aýyl kent ákimderi men sharýa qojalyq ıeleriniń atsalysý qajettigi aıtyldy. «Dısada» JSHS-niń dırektory S. Súleımenov Arab memleketterimen eki jaqty kelisim bar ekendigin aıtyp, Qazaqstannyń et ónimderine degen suranystyń kóp ekendigin jetkizdi.

Sondaı-aq,  jıynda mal azyǵyn daıyndaý, aldaǵy ýaqyttary jylyjaı salý máseleleri sóz boldy.

Qortyndy sóz sóılegen aýdan ákimi M. Isaev: «Aýdanda aýyl sharýashylyǵyn damytý úshin barlyq múmkindikter bar. Arab memleketine eksportqa mal shyǵarý aýdan aýylsharýashylyǵyn damytýǵa úles qosady. Al, ony tıimdi paıdalaný sizben bizdiń mindetimiz»,- dedi.

Aýdan ákiminiń baspasóz qyzmeti.