Túrkıadaǵy Qyrǵyzstannyń elshisi Ibragım Jýnýsov «Azattyqqa» Ankarada ótken «Reseı túriktiń kózimen» kórmesinde oryn alǵan qaıǵyly jaǵdaıǵa baılanysty suhbat beripti. Jýnýsov suhbat barysynda aýyr jaraqattan kóz jumǵan marqum Karlovtyń qasynda bolǵanyn habarlady.

«Men jáne Ózbekstan elshisi jáne Karlov myrza úsheýmiz áńgimelesip turdyq. Qasymyzda aınalshaqtap bir jigit júrdi. Men ony kúzet qyzmetkeri dep oılap qaldym. Karlovqa sóz berilgende biz minberdiń janynda qaldyq. Oq jaýdyrǵan qylmysker «Allah Akbar» dep aıǵaılady da bárimizge jerge jatýǵa buıyrdy. Bireý meniń aıaǵym shaldy da men jerge jattym. RF elshisi bizden 3-4 metr jerde bolatyn. Qylmysker «qımyldamaı jatyńdar, qozǵalmańdar» dep aıǵaılady. Sosyn qaıtadan atys bastaldy. Birde onyń oǵy taýsyldy. Biz ol kezde syrtqa shyǵyp úlgerdik. Bizden keıin ol tutqyndardy syrtqa shyǵarýyn qoıdy.