2016 jyldyń 29, 30, 31 jeltoqsanynda Astana-SHardja, Almaty-SHardja reısi ushýy kerek bolǵan. Alaıda adamdar áli kúnge deıin áýejaıda usha almaı otyr. «AirArabia» áýekompanıasynyń atqarýshy dırektorymen júrgizilgen kelissóz nátıjesinde, adamdar 3 qańtarda Qazaqstannan Shardjǵa ushatyn boldy. QR Investısıalar jáne damý mınıstrligi reıstiń nelikten keıinge shegerilgeni týraly túsinikteme berdi.
Air Arabia áýekompanıasynyń Qazaqstandaǵy ókildigi taratqan aqparatqa sáıkes Shardja qalasyndaǵy (Birikken Arab Ámirligi) ushý qaýipsizdigine áser etetin aýa raıy qolaısyzdyǵyna baılanysty (qatty tuman, nashar kóriný) Air Arabia-nyń 2016 jylǵy 29, 30, 31 jeltoqsanǵa josparlanǵan Shardja - Astana jáne Shardja - Almaty baǵytyndaǵy reısterine shekteý qoıyldy dep habarlaıdy QR IDM Baspasóz qyzmeti. Sonymen qatar álemniń basqa da ondaǵan memleketine (Armenıa, Ýkraına, Reseı, Bahreın, Qatar, Egıpet jáne t.b.) ushýy josparlanǵan reıster keıinge shegerildi. Qalyptasqan jaǵdaıdy sheshý úshin QR Inestısıalar jáne damý mınıstrliginde Týrızm ındýstrıasy departamenti, Azamattyq avıasıa komıteti, Qazaqstan Respýblıkasy Syrtqy ister mınıstrligi qyzmetkerlerinen turatyn jedel basqarý shtaby qurylyp, qyzmet etýde.
BAÁ-niń sáıkes memlekettik organdary men Air Arabia áýekompanıasyna reısterdi shekteýdiń saldarynan oryn alǵan jaǵdaıdy jáne qazaqstandyq jolaýshylardy elge qaıtarý máselesin jedel túrde retteý týraly talappen Azamattyq avıasıa komıtetinen resmı hattar jáne QR SİM notasy jiberildi.
Jolaýshylardyń 300 adamnan turatyn bir bóligi basqa turaqty áýekompanıa reısterimen jáne SCAT áýekompanıasynyń Shardja – Almaty – Shardja baǵyty boıynsha ushatyn qosymsha reısimen jetkizildi. Air Arabia áýekompanıasynyń aqparaty boıynsha keıinge shegerilgen reısterdiń jolaýshylaryna bılet tarıfiniń tolyq quny óteletin bolady.
Air Arabia áýekompanıasynyń Shardja – Almaty – Shardja reısiniń oryndalýy osy jyldyń 2 qańtaryna josparlanǵan bolatyn. Biraq, aýa raıynyń óte qolaısyz bolyp turǵanyna baılanysty reıs keshiktirilýi múmkin.
Qazaqstandyq týrıserge saparlaryn týroperatorlarmen kelisip belgileý usynylady. Al, reıstiń keıinge shegerilýi uzaqqa sozylatyn bolsa, Air Arabia áýekompanıasynyń ókildigine bılet qunyn ótep alý jóninde habarlasýǵa bolady.
