Ýkraındyq telejúrgizýshi Alla Kovalchýktiń jańa jylda «Reseılikter úshin alyp qoıaıyq» sózi ýkraındyq áleýmettik jeli qoldanýshylarynyń narazylyǵyn týdyrdy dep habarlaıdy kp.ru.

Ýkraındyq «STB» arnasynda kórsetiletin «Barlyǵy dámdi» aspazdyq shoýynyń júrgizýshisi jańa jylda smartfonynyń kamerasyna merekelik dastarhanǵa daıyndaǵan salattaryn qalaı ázirlegenin aıtyp, túsirip júrgen. Sol kezde teledıdardan Pýtınniń dástúrli quttyqtaý sózin kórsete bastady.

«Reseıde qazir jańa jyl. Biz eski ádet boıynsha jańa jyldy reseıliktermen birge qarsy alamyz. Jyldaǵy dástúrdi ózgertpeıik. Reseılikter úshin alyp qoıaıyq!» degen Alla Kovalchýk.

Odan keıin telejúrgizýshi kúlkisin áreń tıyp ýkraındyq ánurannyń bir shumaǵyn aıtady. Al ústel basynda otyrǵan qonaqtar barlyǵymyz Keńes Úkimetiniń adamdarymyz ǵoı, bir halyqpyz dep aıtqan.

Bul sózder ýkraındyqtardyń ashýyn keltirdi. Alla Kovalchýkke qarata túrli narazylyq sózderi aıtyldy. Onyń jumystan shyǵarylýyn talap etti. Alla Kovalchýk narazy topqa arnap beıne jazba arqyly jańa jylda aıtqan sózderiniń astaryn túsindirdi.

,