AQSH-tyń arnaıy qyzmeti  Demokratıalyq partıanyń Ulttyq komıtetiniń  urlanǵan hattaryn Wikileaks-ke bergen reseılik deldaldardy anyqtady dep habarlaıdy cnn.com. Bul jóninde Barak Obamaǵa berilgen baıandamada aıtylady. Alaıda eshqandaı adamdardyń esimderi atalmaıdy. Beısenbi kúni Aq úıdiń remı ýákili Djosh Ernest Barak Obamanyń 50 bettik baıandamany alǵanyn habarlady. Kelesi aptada baıandamanyń qupıa emes nusqasy halyq nazaryna usynylady.

AQSH Demokratıalyq partıasyna saılaý kezinde jasalǵan hakerlik shabýyldy amerıkandyq barlaıtyn uıym Reseıdiń joǵary basshylyǵynan kóretindigi  qańtarda belgili boldy. Shabýyl maqsatynyń aýqymdylyǵy men mańyzdylyǵy negizinde qorytyndy jasaldy.

3 qańtarda WikiLeaks quryltaıshysy Djýlıan Assanj saıttyń Reseımen eshqandaı baılanysy joq ekenin málimdedi.

29 jeltoqsanda Obama men AQSH Qarjy mınıstrligi amerıkandyq saılaý naýqany kezinde kıber shabýyl jasaǵany úshin Reseıge sanksıa saldy. Onyń ishinde federaldy qaýipsizdik qyzmeti men Qarýly kúshtiń Bas barlaý basqaramasy bar. Ulttyq qaýipsizdik Agenttigi men Federaldy zertteý búrosynyń ortaq  qujatyn jarıalady. Onda kıbershabýyldardy Reseı bıligi jasada dep kórsetilgen.  

Tramptyń jeńiske jetýine kómektesýi úshin prezıdenttik saılaýǵa aralasty dep AQSH Reseıdi birneshe márte aıyptady. Olardyń oıynsha 2016 jyldyń maýsym aıynda hakerler Demokratıalyq partıanyń Ulttyq komıtetiniń jáne Kongrestegi saılaý boıynsha partıalyq komıtetiniń serverin buzdy. Reseı sanaq júrgizetin mashınany buzý arqyly saılaý prosesine áser etkisi keldi degen aıyptar da taǵyldy. Máskeý barlyǵyn joqqa shyǵaryp otyr.