Úkimet basshysy Baqytjan Saǵyntaev QR ishki ister mınıstri Qalmuhanbet Qasymovty ýaqytsha tirkeýge baılanysty týǵan dúrbligý úshin synǵa aldy, - dep habarlaıdy Tengrinews.kz tilshisi.

"Taǵy bir másele - azamattardy ýaqytsha tirkeýdi engizý". HQKO-larda qandaı jaǵdaı bolyp jatqanyn kórip otyrmyz. Málimet az, suraq kóp. Bizdiń memorgandar túsindirgisi keledi, biraq halyq ony qabyldamaı jatyr", - dedi Saǵyntaev.

"Bizde zańǵa qashan qol qoıyldy?", - dep surady úkimet basshysy Qasymovtan.

"28 jeltoqsanda", - dep jaýap berdi mınıstr. Onyń sózin Saǵyntaev zańǵa 22 jeltoqsanda qol qoıylǵanyn aıtyp, túzedi.

"Birinshi ret qashan túsindirdik? Biz HQKO-larda dúrligý týǵannan keıin ǵana túsindire bastadyq. Bul normanyń halyqqa qatysty ekenin túsindik, biz 22 jeltoqsanda túsindirý jumystaryn bastap kete alar edik, sonda qazir HQKO-larǵa kelip jatqan 40 myńnyń 17 myńy ýaqytsha tirkeýge kelip, qalǵandary zańdastyratyn edi. Biraq olar osy kúnderi kelmeı-aq qoısa da bolar edi, solaı ma? Olar tipti bir jyldyń ishinde asyqpaı kele alar edi, aıtarlyqtaı dúrligý týmas edi. Adamdar ne isterin bilmeı HQKO-larǵa bara bastady", - dedi úkimet basshysy.