Belgili jýrnalıs Janar Ahmet Facebook áleýmettik jelidegi jeke paraqshasyna «ýaqytsha tirkeýge» qatysty pikirin bildirdi.

«7 qańtar kúni elimizdegi turǵyndar mindetti túrde ýaqytsha tirkeýge turýy tıis degen zańy kúshine endi. Bul máselege qatysty meni eskertip te úlgenrdi.

Biraq, tirkeýmen qatar olardyń qoldarynda jeke basyńa qatysty aqparattardy da toltyrýǵa mindetti blankiler bar. Jumys orny, otbasydaǵy adamdar sany, bilim alýǵa qatysty balalar qandaı mektepte oqıdy degen sıaqty.

Jeke basyma qatysty qandaı da bir aqparat berýden bas tartyp edim, jedel túrde basshylyqqa qońyraý shalyp, barlyǵyn jetkizdi.

Biz aýzymyzdy ashyp júrgende elimizde NurLag salyp qoıǵan eken. Bul másele qazaqstandyq azamattardyń barlyǵyn da sharpyp ótedi.

Jáne de, eger, bul zańdar Ýnıversıada nemese EKSPO-ǵa qatysty halyq sanaǵyn júrgizýdiń ádisi bolsa, senderge aıtarym, halyqqa mundaı «globaldy is-sharalaryńnyń» túkke de keregi joq.

Halyqty qolyndaǵy barynan aıyryp, mılıardtap qarjy jymqyrýdyń jańa ádisi bola tura, sonymen qatar biz ózimizdiń jeke basymyzǵa qatysty aqparattardy aıtýymyz kerek eken ǵoı!»