Sońǵy aptada qoǵamda búlik týǵyzyp, kóp talqylanǵan máselelerdiń biri – qytaımen qazaq qyzdarynyń nekege turýy. Astana qalasynda Natalá esimdi áıeldiń basshylyǵymen «Qytaı kúıeý jigitteri» atty qazaqstandyq qyzdarǵa arnalǵan agenttik ashylyp, oǵan halyq óz narazylyǵyn bildirýde.

Astana qalasynyń bir top turǵyny qazaq qyzdary men qytaılardyń nekesine jol berilmeý kerek dep urandap, mıtıńke shyqty.

Agenttik mekemesi ornalasqan Respýblıka kóshesiniń qıylysynda 30 shaqty adam jınalyp, óz narazylyqtaryn bildirgen.

«Aspan asty uldarymen tanysýǵa, nekege turýǵa nıet bildirgen qyzdardy azamattyǵynan aıyrý kerek!» - deıdi olar.

Qoldaryna «Erkek jerdi qorǵaıdy, áıel ultty qorǵaıdy» degen jazýy bar plakattar ustap shyqqan. Sonymen qatar qazaq qyzyn alǵan árbir qytaı elimizge $50 000 kóleminde salyq tóleýleri tıis deıdi.

Qytaı azamattarymen tanystyrýmen aınalysatyn neke agenttigin jaýyp, dırektoryna aıyppul tóletýin talap etken.

,