AQSH Prezıdenti Barak Obama óziniń qoshtasý sózinde amerıkandyqtardy demokratıany qorǵaýǵa shaqyrdy. Sóziniń sońyna qaraı kóz jasyna erik berdi dep habarlaǵan bolatynbyz. Osy jaıtqa pikir bildirgen Jırınovskıı Obama kúnási úshin uıalǵandyqtan jylady dep málimdedi. Bul týraly «Parlamentskaıa gazeta» habarlady.
Jırınovskııdiń pikirinshe Obama Gavaı araldarynda gólf oınap júrip, kúnásin ómir boıyna deıin eske alyp júredi, dep habarlady basylym.
Vladımır Jırınovskıı: «Ol oqýshy sıaqty – kóp bylyqtar istedi: dıplomattardy qaıtardy, sanksıany kúsheıtti, onyń kezinde Tramptyń jeńisiniń eńbegin maǵan júkteıtin málimdeme jasaldy. Óıtkeni men durys boljam jasap, shampan ishýge ýáde berdim. Sońyna taman Obamanyń uıaty oıanypty, biraq endi kesh, ol endi eshteńeni ózgerte almaıdy».
Obamanyń qoshtasý sózi bir saǵatqa sozyldy. Obama AQSH-tyń osyǵan deıingi prezıdentterine qaraǵanda uzaǵyraq qoshtasty. Sóz sońynda ol óz otbasy jaıly aıtyp, kóz jasyna erik berdi.
