Jergilikti turǵyndar kómek surap jazylǵan hatty taýyp alyp, dereý polısıa shaqyrtqan.

Qaskúnemder májbúrlep ustaǵan máskeý turǵyny páter terezinen laqtyrylǵan jazbanyń arqasynda tiri qalǵan.

Tergeýshilerdiń aıtýynsha, 2016 jyldyń 23 jeltoqsanynan 2017 jyldyń 8 qańtaryna deıin eki belgisiz adamdar jumyspen qamtamasyz etemiz degen jeleýmen 39 jastaǵy jumyssyzdy Kırovogradskıı kóshesine shaqyrady. Onyń ruqsatymen qujatyn alyp, odan keıin páterde uryp-soqqan.

Kómek suraýǵa sáti týǵan kezde, ol qutqarýyn ótinip, hat jazady. Ony ustap otyrǵan páterdiń terezesinen jazbany laqtyryp jiberedi. Ony baıqap qalǵan kórshiler oqıǵa ornyna polısıa shaqyrtady.

Reseıdiń arnaıy operasıanyń nátıjesinde kepilge alynǵan tutqyn bosatylyp, qylmyskerler qamaýǵa alyndy. Olar 44 pen 37 jastaǵy Máskeý turǵyndary bolyp shyqty. Olarǵa qatysty qylmystyq is qozǵaldy.

Esterińizge sala keteıik, Máskeýde «emshiler» Jańa jyl qarsańynda alty nashaqordy urlap áketip, olardy páterde májbúrlep ustap otyrǵan bolatyn.