Osydan 25 jyl buryn, 12 qańtar kúni, Dinmuxamed atamnyń dastarxanynda qonaq bolyp, qazaq zıalylarynyń aldynda qońyr dombyrammen 3 márte shyǵyp arnaý aıtqanym áli esimde. "Davaı, Muqa", dep qanattandyryp bastalǵan Dımash atamnyń demeý sózi, kesh sońyna oraı aqjarylqaǵan tilekke, aq júrekten shyqqan bataǵa ulasqan edi. Men sekildi mektep qabyrǵasyndaǵy bala úshin de ómirdegi eń úlken mekteptiń dárisi osylaı bastalǵan edi. Mekkege eki ret baryp, qajylyq atqarǵan Jumabaı aqsaqaldyń nemeresi, arabsha, parsyshaǵa jetik bolǵan, zıaly Axmet qarıanyń uly, qazaq xalqynyń súıikti perzenti- Dinmuxamed atama Allanyń raxmeti jaýsyn! Jany jannatta bolyp, artyndaǵy janashyr jurty órkendep, óse bersin! Atammen tarıxı júzdesýime sebep bolǵan, jaqynda ǵana dúnıeden ótken Berden kókemniń de Alla aldynan jarylqasyn!