Kongres halyqaralyq jáne qazaqstandyq sarapshylardy, úkimet pen jergilikti atqarýshy bılik ókilderin, ulttyq holdıń pen ulttyq kompanıalardyń basshylaryn, damý ınstıtýttaryn, ǴZI jáne ulttyq ınovasıalyq júıeniń negizgi qatysýshylaryn jınady. Osy joly kongres Qazaqstan Respýblıkasy úshin mańyzdy tórt baǵytqa kóńil bóldi: energetıka, jańa materıaldar, aqparattyq jáne komýnıkasıalyq tehnologıalar (avtomattandyrý, robottandyrý, sıfrlandyrý), agroónerkásiptik keshendegi qaıta tereń óńdeý.
Kongres baǵdarlamasyna sáıkes, «MIIDB ekinshi besjyldyǵyndaǵy ınovasıalardyń róli» taqyrybynda plenarlyq otyrys, «Mańyzdy tehnologıalardy damytýdyń halyqaralyq tájirıbesi» jáne «Bolashaq energıasy» EKSPO-2017 tujyrymdamasy aıasynda «Taza tehnologıalardy» damytý» taqyrybynda paneldik sesıa ótti. Bul úshin kongreske memlekettik saıasat, ekonomıka jáne ınovasıa salasyndaǵy bedeldi halyqaralyq uıymdar men ınstıtýttar tartyldy.
Kongres barysynda jıyrma alty ınovasıalyq jobalar kórmesine erekshe kóńil bólindi. Olardyń ishinde EKSPO-2017 halyqaralyq mamandyrylǵan kórmesine qatysatyn jobalar da bar. Kórmeniń maqsaty Qazaqstannyń ındýstrıaldy-ınnovasıalyq damý sýbektilerin tanystyrý.
Kongres spıkerleriniń arasynda álemdik Nobel syılyǵynyń laýreaty (2007 jyl) Rae Kvon Chýng, Izraıldiń «L.N. Innovative Technologies» kóshbasshy bıznes-ınkýbatorynyń negizin qalaýshy Klara Oren, Japan Technology Group kompanıasynyń basshysy Mıtsý Iamomoto, Qazaqstandaǵy Konrad Adenaýer qory ókildiginiń dırektory Tomas Helm, USAID klımat ózgerisin toqtatýǵa baǵyttalǵan qazaqstandyq baǵdarlamasynyń basshysy Alekseı Sankovskıı bar.
Sonymen qatar, kongres aıasynda kásipker, Future labs kompanıasynyń negizin qalaýshy Aleksandr Borodıch kásipkerlerge sheberlik-saǵatyn ótkizdi.
Kongres aıasynda «Tehnologıalyq damý jónindegi ulttyq agenttigi» AQ-y qoldaý kórsetken jobalar boıynsha Armenıa jáne Belorýssıanyń «Stendıng» JSHS (kezekterdi elektrondy basqarý júıesi), «Elim bıznes-sheshimder ortalyǵy» («KAZDATA marketıńtik bıznes-anyqtamalyq») kompanıalarymen yntymaqtastyq týraly memorandýmdar men kelisimderge qol qoıyldy. «Tehnologıalyq damý jónindegi ulttyq agenttigi» AQ-y «Inovasıalyq tehnologıalar parki» avtonomdy klasterlik qory men «Jasyl ekonomıka» jáne G-Global Koalısıasymen memorandým jasasty. Sonymen qatar, «Inovasıalyq tehnologıalar parki» avtonomdy klasterlik qory men «Qazaqstan Ǵarysh Sapary» memorandýmǵa qol qoıdy.
Sharany «Tehnologıalyq damý jónindegi ulttyq agenttigi» AQ Qazaqstan Respýblıkasy Investısıalar jáne damý mınıstrliginiń qoldaýymen uıymdastyrdy.
