Belsendiler Atyraýdyń HQKO ýaqytsha tirkeýge narazylyq retinde fleshmob ótkizdi dep habarlaıdy azh.kz. Narazy top qoıdyń maskasyn kıip, qoldaryna túrli jazbalary bar plakattar ustap shyqty.

«Keshe belgili bolǵandaı ishki ister mınıstri Qasymov kúnderden shatasa bastady. Ol zańnyń qashan qabyldanǵanyn shatasyp júr. Adamdardyń ózgeristerdi qalaı qabyldaǵanyn ózderińiz kórip otyrsyzdar» deıdi fleshmobqa qatysýshylarynyń biri Qasym Qojantaev.

«Biz táýelsiz Qazaqstanda turamyz ǵoı. Egemendigimiz qaıda bizdiń?! Terorızmmen kúresip jatyrmyz dep halyqty qaıta Keńes Úkimetine alyp kelgisi keletindeı. Biz zańǵa moıynsunatyn azamattarmyz. Biraq mundaı zańdar muqıat qaralyp, qoldanysqa tolyqtaı daıyn bolǵanda ǵana qabyldaý qajet. Ol qazaqstandyqtardyń qalypty ómirine esh kedergisin keltirmeýi kerek.  Biz Azat Perýashev sekildi depýtattarǵa rızamyz. Sebebi ol qoǵamnyń oıyn jetkizdi. Ahmet Muratov ashshy shyndyqty aıtty. Biz buryńǵy qatelikti qaıta qaıtalap otyrmyz. Dál osylaısha Jer kodeksine qatysty zań qabyldanyp, halyq narazylyǵyn bildirgen edi» dep sózin jalǵady Qasym Qojantaev.