Sırıalyq bosqyndy shalyp qulatqan vengr jýrnalısi Petra Laslo sottaldy, - dep habarlaıdy Caravan.kz Fox New saıtyna silteme jasap. Oqıǵanyń vıdeosy jelide tarap ketip, qoǵam tilshiniń áreketin sókken edi.
Oqıǵa 2015 jyldyń kúzinde Serbıanyń shekarasynda bolǵan. Birneshe operator júgirip ótip jatqan bosqyndardy túsirip jatqan. Osy sátte Petra Laslonyń qolynda balasy bar er adamdy qulatqany vıdeoǵa túsip qalǵan. Jeli qoldanýshylary jýrnalısiń bul áreket arqyly vıdeony qyzyqty etkisi kelgenin atap ótken bolatyn. Alaıda ol jumysynan shyǵarylyp, isi sotqa joldanǵan edi.
Sot otyrysynda Laslonyń advokattary áıeldiń bul is arqyly ózin qorǵaǵysy kelgenin aıtyp, aqtap jatty. Al jýrnalısiń ózi jappaı júgirip kele jatqan bosqyndardan shoshyp qalǵanyn aıtqan. Ol shartty túrde úsh jylǵa bas bostandyǵynan aıyryldy.
