Prezıdent ákimshiligi basshysynyń burynǵy orynbasary Baǵlan Maılybaev qamaýǵa alyndy. Bul týraly «Qamshy» portaly «SentrAzıaǵa» silteme jasap habarlaıdy.

Basylymǵa Astanadaǵy derekkózdiń habarlaýynsha, juma kúni quqyq qorǵaýshy organdar Baǵlan Maılybaevty qamaýǵa alǵan. Buǵan qatysty resmı túsinikteme alý múmkin bolmaǵan. Maılybaev jumadan beri telefon qońyraýlaryna jaýap bermeıdi.

Baǵlan Maılybaev 1975 jyly dúnıege kelgen, zań ǵylymdarynyń doktory.

2002 jyldan bastap Mádenıet mınıstrliginiń BAQ departamenti dırektory,  «Kazahstanskaıa pravda» AQ prezıdenti, «Zań» AK prezıdenti, Qazaqstan prezıdentiniń baspasóz qyzmeti basshysy, Qazaqstan prezıdenti baspasóz hatshysy qyzmetterin atqarǵan.

Maılybaev prezıdent ákimshiliginiń burynǵy basshy orynbasary qyzmetinde alty jyl boıy bolǵan.

12 qańtar kúni ol prezıdenttiń jarlyǵymen qyzmetinen bosatyldy. Ornyna Reseıde elshilik qyzmet atqarǵan Marat Tájın taǵaıyndalǵan edi. 

Aıta keter bolsaq, qyzmetinen bosatylǵanyna birneshe kún ótse de, Baǵlan Asaýbaıuly Aqorda saıtynda áli de Prezıdent ákimshiligi basshysy orynbasary retinde jazylyp tur.